बू-ए-ख़ुश की तरह हर सम्त बिखर जाऊँगा
आहनी हाथों से अब कोई दबा दे मुझ को
मैं तो मुद्दत से चला आता हूँ पीछे पीछे
गर्दिश-ए-वक़्त कभी रुक के सदा दे मुझ को
दिन तो सारा ही कटा मिस्ल-ए-चराग़-ए-कुश्ता
गर्मी-ए-जिस्म सर-ए-शाम जला दे मुझ को
तुम मुझे देख के जो बात कभी कह न सके
क्या ये मुमकिन नहीं आईना बता दे मुझ को
जिन को पाने से हक़ीक़त भी फ़साना बन जाए
अब 'सबा' ऐसे सराबों का पता दे मुझ को
bū-e-ḳhush kī tarah har samt bikhar jā.ūñgā
āhanī hāthoñ se ab koī dabā de mujh ko
maiñ to muddat se chalā aatā huuñ pīchhe pīchhe
gardish-e-vaqt kabhī ruk ke sadā de mujh ko
din to saarā hī kaTā misl-e-charāġh-e-kushta
garmī-e-jism sar-e-shām jalā de mujh ko
tum mujhe dekh ke jo baat kabhī kah na sake
kyā ye mumkin nahīñ ā.īna batā de mujh ko
jin ko paane se haqīqat bhī fasāna ban jaa.e
ab 'sabā' aise sarāboñ kā patā de mujh ko
بوئے خوش کی طرح ہر سمت بکھر جاؤں گا
آہنی ہاتھوں سے اب کوئی دبا دے مجھ کو
میں تو مدت سے چلا آتا ہوں پیچھے پیچھے
گردش وقت کبھی رک کے صدا دے مجھ کو
دن تو سارا ہی کٹا مثل چراغ کشتہ
گرمیٔ جسم سر شام جلا دے مجھ کو
تم مجھے دیکھ کے جو بات کبھی کہہ نہ سکے
کیا یہ ممکن نہیں آئینہ بتا دے مجھ کو
جن کو پانے سے حقیقت بھی فسانہ بن جائے
اب صباؔ ایسے سرابوں کا پتا دے مجھ کو