और किस तरह उसे कोई क़बा दी जाए
एक तस्वीर ही पत्थर पे बना दी जाए
ताकि फिर कोई न परछाईं के पीछे दौड़े
अपनी बस्ती में चलो आग लगा दी जाए
ख़ूब है ये मिरी मख़्सूस तबीअ'त का इलाज
हर तमन्ना मिरी काँटों पे सुला दी जाए
अपनी ही ज़ात पे होता है जो साए का गुमाँ
तीरगी शब की किसी तौर बढ़ा दी जाए
हम किसी तरह तो इमरोज़ की तल्ख़ी समझें
अहद-ए-रफ़्ता की हर इक बात भुला दी जाए
आओ देखें न कोई अपना शनासा निकले
अजनबी चेहरों से ये गर्द हटा दी जाए
देखने से जिसे आँखों में अँधेरा छाया
किस को इस ख़्वाब की ता'बीर बता दी जाए
जब मुक़द्दर है शब-ओ-रोज़ की बे-कैफ़ी 'सबा'
ख़्वाब की तरह हर इक याद भुला दी जाए
aur kis tarah use koī qabā dī jaa.e
ek tasvīr hī patthar pe banā dī jaa.e
taaki phir koī na parchhā.īñ ke pīchhe dauḌe
apnī bastī meñ chalo aag lagā dī jaa.e
ḳhuub hai ye mirī maḳhsūs tabī.at kā ilaaj
har tamannā mirī kāñToñ pe sulā dī jaa.e
apnī hī zaat pe hotā hai jo saa.e kā gumāñ
tīrgī shab kī kisī taur baḌhā dī jaa.e
ham kisī tarah to imroz kī talḳhī samjheñ
ahd-e-rafta kī har ik baat bhulā dī jaa.e
aao dekheñ na koī apnā shanāsā nikle
ajnabī chehroñ se ye gard haTā dī jaa.e
dekhne se jise āñkhoñ meñ añdherā chhāyā
kis ko is ḳhvāb kī ta.abīr batā dī jaa.e
jab muqaddar hai shab-o-roz kī be-kaifī 'sabā'
ḳhvāb kī tarah har ik yaad bhulā dī jaa.e
اور کس طرح اسے کوئی قبا دی جائے
ایک تصویر ہی پتھر پہ بنا دی جائے
تاکہ پھر کوئی نہ پرچھائیں کے پیچھے دوڑے
اپنی بستی میں چلو آگ لگا دی جائے
خوب ہے یہ مری مخصوص طبیعت کا علاج
ہر تمنا مری کانٹوں پہ سلا دی جائے
اپنی ہی ذات پہ ہوتا ہے جو سائے کا گماں
تیرگی شب کی کسی طور بڑھا دی جائے
ہم کسی طرح تو امروز کی تلخی سمجھیں
عہد رفتہ کی ہر اک بات بھلا دی جائے
آؤ دیکھیں نہ کوئی اپنا شناسا نکلے
اجنبی چہروں سے یہ گرد ہٹا دی جائے
دیکھنے سے جسے آنکھوں میں اندھیرا چھایا
کس کو اس خواب کی تعبیر بتا دی جائے
جب مقدر ہے شب و روز کی بے کیفی صباؔ
خواب کی طرح ہر اک یاد بھلا دی جائے