कभी ता'मीर होती हूँ कभी मिस्मार होती हूँ
कभी आसान लगती हूँ कभी दुश्वार होती हूँ
मिरे हर रूप में ही दिलकशी क़ुदरत ने रखी है
कभी ख़ुशबू के हाले में गुल-ए-गुलज़ार होती हूँ
कभी महफ़िल में रोज़-ओ-शब हुए हैं तज़्किरे मेरे
कभी बन कर ख़बर मैं ज़ीनत-ए-अख़बार होती हूँ
कभी मेरे इशारों पर बदल जाती हैं तदबीरें
कभी ताक़त के ऐवानों का इक हथियार होती हूँ
मिरी तो उम्र गुज़री है यूँही गिर्दाब से लड़ते
कभी कश्ती बचाने के लिए पतवार होती हूँ
कभी मैं अपनी सोचों में मगन रहती हूँ रोज़-ओ-शब
कभी मैं अपने दिलबर के लिए ग़म-ख़्वार होती हूँ
'इरम' सुन कर जिसे इस ज़िंदगी पर प्यार आता है
उसी आवाज़ पर मैं रोज़ ही बेदार होती हूँ
kabhī ta.amīr hotī huuñ kabhī mismār hotī huuñ
kabhī āsān lagtī huuñ kabhī dushvār hotī huuñ
mire har ruup meñ hī dilkashī qudrat ne rakhī hai
kabhī ḳhushbū ke haale meñ gul-e-gulzār hotī huuñ
kabhī mahfil meñ roz-o-shab hue haiñ tazkire mere
kabhī ban kar ḳhabar maiñ zīnat-e-aḳhbār hotī huuñ
kabhī mere ishāroñ par badal jaatī haiñ tadbīreñ
kabhī tāqat ke aivānoñ kā ik hathiyār hotī huuñ
mirī to umr guzrī hai yūñhī girdāb se laḌte
kabhī kashtī bachāne ke liye patvār hotī huuñ
kabhī maiñ apnī sochoñ meñ magan rahtī huuñ roz-o-shab
kabhī maiñ apne dilbar ke liye ġham-ḳhvār hotī huuñ
'iram' sun kar jise is zindagī par pyaar aatā hai
usī āvāz par maiñ roz hī bedār hotī huuñ
کبھی تعمیر ہوتی ہوں کبھی مسمار ہوتی ہوں
کبھی آسان لگتی ہوں کبھی دشوار ہوتی ہوں
مرے ہر روپ میں ہی دل کشی قدرت نے رکھی ہے
کبھی خوشبو کے ہالے میں گل گلزار ہوتی ہوں
کبھی محفل میں روز و شب ہوئے ہیں تذکرے میرے
کبھی بن کر خبر میں زینت اخبار ہوتی ہوں
کبھی میرے اشاروں پر بدل جاتی ہیں تدبیریں
کبھی طاقت کے ایوانوں کا اک ہتھیار ہوتی ہوں
مری تو عمر گزری ہے یوں ہی گرداب سے لڑتے
کبھی کشتی بچانے کے لئے پتوار ہوتی ہوں
کبھی میں اپنی سوچوں میں مگن رہتی ہوں روز و شب
کبھی میں اپنے دلبر کے لئے غم خوار ہوتی ہوں
ارمؔ سن کر جسے اس زندگی پر پیار آتا ہے
اسی آواز پر میں روز ہی بیدار ہوتی ہوں