कभी फ़िराक़ कभी लज़्ज़त-ए-विसाल में रख
मुझ ए'तिदाल से आरी को ए'तिदाल में रख
नचा रहा है मुझे उँगलियों पे इश्क़ तिरा
तमाम उम्र इसी रक़्स-ए-बे-मिसाल में रख
दुखी हो दिल तो उतरती है शाइ'री मुझ पर
तुझे ग़ज़ल की क़सम है मुझे मलाल में रख
तू चाहता है अगर कार-ए-आफ़ताब करूँ
मिरा उरूज मिरी साअ'त-ए-ज़वाल में रख
तिरे बग़ैर गुज़ारी है ज़िंदगी मैं ने
तू इस सितम की तलाफ़ी भी माह-ओ-साल में रख
तू दिल है और धड़कना तिरी इबादत है
सो ख़ुद को जिस्म से बाहर भी तू धमाल में रख
शिकम से हो के गुज़रते हैं क़ौल-ओ-फ़े'ल मिरे
मुझ ऐसे शख़्स को नान-ओ-नमक के जाल में रख
मिरे बदन को भले इस से आग लग जाए
चराग़-ए-हर्फ़ मगर मेरे बाल बाल में रख
मैं इस अज़ाब के नश्शे में मुब्तला हूँ 'कबीर'
पराई आग उठा कर मिरी सिफ़ाल में रख
kabhī firāq kabhī lazzat-e-visāl meñ rakh
mujh e'tidāl se aarī ko e'tidāl meñ rakh
nachā rahā hai mujhe uñgliyoñ pe ishq tirā
tamām umr isī raqs-e-be-misāl meñ rakh
dukhī ho dil to utartī hai shā.irī mujh par
tujhe ġhazal kī qasam hai mujhe malāl meñ rakh
tū chāhtā hai agar kār-e-āfatāb karūñ
mirā uruuj mirī sā.at-e-zavāl meñ rakh
tire baġhair guzārī hai zindagī maiñ ne
tū is sitam kī talāfī bhī māh-o-sāl meñ rakh
tū dil hai aur dhḌaknā tirī ibādat hai
so ḳhud ko jism se bāhar bhī tū dhamāl meñ rakh
shikam se ho ke guzarte haiñ qaul-o-fe.al mire
mujh aise shaḳhs ko nān-o-namak ke jaal meñ rakh
mire badan ko bhale is se aag lag jaa.e
charāġh-e-harf magar mere baal baal meñ rakh
maiñ is azaab ke nashshe meñ mubtalā huuñ 'kabīr'
parā.ī aag uThā kar mirī sifāl meñ rakh
کبھی فراق کبھی لذت وصال میں رکھ
مجھ اعتدال سے عاری کو اعتدال میں رکھ
نچا رہا ہے مجھے انگلیوں پہ عشق ترا
تمام عمر اسی رقص بے مثال میں رکھ
دکھی ہو دل تو اترتی ہے شاعری مجھ پر
تجھے غزل کی قسم ہے مجھے ملال میں رکھ
تو چاہتا ہے اگر کار۔آفتاب کروں
مرا عروج مری ساعت زوال میں رکھ
ترے بغیر گزاری ہے زندگی میں نے
تو اس ستم کی تلافی بھی ماہ و سال میں رکھ
تو دل ہے اور دھڑکنا تری عبادت ہے
سو خود کو جسم سے باہر بھی تو دھمال میں رکھ
شکم سے ہو کے گزرتے ہیں قول و فعل مرے
مجھ ایسے شخص کو نان و نمک کے جال میں رکھ
مرے بدن کو بھلے اس سے آگ لگ جائے
چراغ حرف مگر میرے بال بال میں رکھ
میں اس عذاب کے نشے میں مبتلا ہوں کبیرؔ
پرائی آگ اٹھا کر مری سفال میں رکھ