बिगड़ता ज़ख़्म-ए-हुनर आश्कारा करना पड़ा
हमें भी दाद का मरहम गवारा करना पड़ा
बहुत हवस थी मुझे रिज़्क़-ए-शेर की लेकिन
जो मिल रहा था उसी पर गुज़ारा करना पड़ा
खड़ी थी मेरे लिए आँसुओं की बारिश में
सो तेरी याद से मिलना गवारा करना पड़ा
मैं इस से कम पे ज़माना मुरीद कर लेता
ख़याल-ए-इश्क़ में जितना तुम्हारा करना पड़ा
मिला न एक भी आँसू दुरून-ए-चश्म मुझे
सो मुँह छुपा के दुखों से किनारा करना पड़ा
जो ख़्वाब नींद से भी छुप के देखता था मैं
किसी की आँख से उस का नज़ारा करना पड़ा
निगाह-ए-यार ने कुछ ऐसे ऐब ढूँढ लिए
तमाम कार-ए-मोहब्बत दोबारा करना पड़ा
अब उस सफ़र की सऊबत का क्या कहें जिस में
क़दम क़दम पे हमें इस्तिख़ारा करना पड़ा
सँभाली जाती नहीं रौशनी ज़मीं से 'कबीर'
सुपुर्द-ए-ख़ाक ये कैसा सितारा करना पड़ा
bigaḌtā zaḳhm-e-hunar āshkārā karnā paḌā
hameñ bhī daad kā marham gavārā karnā paḌā
bahut havas thī mujhe rizq-e-sher kī lekin
jo mil rahā thā usī par guzārā karnā paḌā
khaḌī thī mere liye āñsuoñ kī bārish meñ
so terī yaad se milnā gavārā karnā paḌā
maiñ is se kam pe zamāna murīd kar letā
ḳhayāl-e-ishq meñ jitnā tumhārā karnā paḌā
milā na ek bhī aañsū durūn-e-chashm mujhe
so muñh chhupā ke dukhoñ se kināra karnā paḌā
jo ḳhvāb niiñd se bhī chhup ke dekhtā thā maiñ
kisī kī aañkh se us kā nazāra karnā paḌā
nigāh-e-yār ne kuchh aise aib DhūñDh liye
tamām kār-e-mohabbat dobāra karnā paḌā
ab us safar kī sa.ūbat kā kyā kaheñ jis meñ
qadam qadam pe hameñ istiḳhāra karnā paḌā
sambhālī jaatī nahīñ raushnī zamīñ se 'kabīr'
supurd-e-ḳhāk ye kaisā sitāra karnā paḌā
بگڑتا زخم ہنر آشکارا کرنا پڑا
ہمیں بھی داد کا مرہم گوارا کرنا پڑا
بہت ہوس تھی مجھے رزق شعر کی لیکن
جو مل رہا تھا اسی پر گزارا کرنا پڑا
کھڑی تھی میرے لئے آنسوؤں کی بارش میں
سو تیری یاد سے ملنا گوارا کرنا پڑا
میں اس سے کم پہ زمانہ مرید کر لیتا
خیال عشق میں جتنا تمہارا کرنا پڑا
ملا نہ ایک بھی آنسو درون چشم مجھے
سو منہ چھپا کے دکھوں سے کنارہ کرنا پڑا
جو خواب نیند سے بھی چھپ کے دیکھتا تھا میں
کسی کی آنکھ سے اس کا نظارہ کرنا پڑا
نگاہ یار نے کچھ ایسے عیب ڈھونڈھ لیے
تمام کار محبت دوبارہ کرنا پڑا
اب اس سفر کی صعوبت کا کیا کہیں جس میں
قدم قدم پہ ہمیں استخارہ کرنا پڑا
سنبھالی جاتی نہیں روشنی زمیں سے کبیرؔ
سپرد خاک یہ کیسا ستارہ کرنا پڑا