कभी आँखों पे कभी सर पे बिठाए रखना
ज़िंदगी तल्ख़ सही दिल से लगाए रखना
लफ़्ज़ तो लफ़्ज़ हैं काग़ज़ से भी ख़ुश्बू फूटे
सफ़हा-ए-वक़्त पे वो फूल खिलाए रखना
चाँद क्या चीज़ है सूरज भी उभर आएगा
ज़ुल्मत-ए-शब में लहू दिल का जलाए रखना
हुर्मत-ए-हर्फ़ पे इल्ज़ाम न आने पाए
सुख़न-ए-हक़ को सर-ए-दार सजाए रखना
फ़र्श तो फ़र्श फ़लक पर भी सुनाई देगा
मेरी आवाज़ में आवाज़ मिलाए रखना
कभी वो याद भी आए तो मलामत करना
कभी उस शोख़ की तस्वीर बनाए रखना
'बख़्श' सीखा है शहीदान-ए-वफ़ा से हम ने
हाथ कट जाएँ अलम मुँह से उठाए रखना
kabhī āñkhoñ pe kabhī sar pe biThā.e rakhnā
zindagī talḳh sahī dil se lagā.e rakhnā
lafz to lafz haiñ kāġhaz se bhī ḳhushbū phūTe
safha-e-vaqt pe vo phuul khilā.e rakhnā
chāñd kyā chiiz hai sūraj bhī ubhar aa.egā
zulmat-e-shab meñ lahū dil kā jalā.e rakhnā
hurmat-e-harf pe ilzām na aane paa.e
suḳhan-e-haq ko sar-e-dār sajā.e rakhnā
farsh to farsh falak par bhī sunā.ī degā
merī āvāz meñ āvāz milā.e rakhnā
kabhī vo yaad bhī aa.e to malāmat karnā
kabhī us shoḳh kī tasvīr banā.e rakhnā
'baḳhsh' sīkhā hai shahīdān-e-vafā se ham ne
haath kaT jaa.eñ alam muñh se uThā.e rakhnā
کبھی آنکھوں پہ کبھی سر پہ بٹھائے رکھنا
زندگی تلخ سہی دل سے لگائے رکھنا
لفظ تو لفظ ہیں کاغذ سے بھی خوشبو پھوٹے
صفحۂ وقت پہ وہ پھول کھلائے رکھنا
چاند کیا چیز ہے سورج بھی ابھر آئے گا
ظلمت شب میں لہو دل کا جلائے رکھنا
حرمت حرف پہ الزام نہ آنے پائے
سخن حق کو سر دار سجائے رکھنا
فرش تو فرش فلک پر بھی سنائی دے گا
میری آواز میں آواز ملائے رکھنا
کبھی وہ یاد بھی آئے تو ملامت کرنا
کبھی اس شوخ کی تصویر بنائے رکھنا
بخشؔ سیکھا ہے شہیدان وفا سے ہم نے
ہاتھ کٹ جائیں علم منہ سے اٹھائے رکھنا