कब तक दिल की ख़ैर मनाएँ कब तक रह दिखलाओगे
कब तक चैन की मोहलत दोगे कब तक याद न आओगे
बीता दीद उम्मीद का मौसम ख़ाक उड़ती है आँखों में
कब भेजोगे दर्द का बादल कब बरखा बरसाओगे
अहद-ए-वफ़ा या तर्क-ए-मोहब्बत जो चाहो सो आप करो
अपने बस की बात ही क्या है हम से क्या मनवाओगे
किस ने वस्ल का सूरज देखा किस पर हिज्र की रात ढली
गेसुओं वाले कौन थे क्या थे उन को क्या जतलाओगे
'फ़ैज़' दिलों के भाग में है घर भरना भी लुट जाना भी
तुम इस हुस्न के लुत्फ़-ओ-करम पर कितने दिन इतराओगे
kab tak dil kī ḳhair manā.eñ kab tak rah dikhlāoge
kab tak chain kī mohlat doge kab tak yaad na aaoge
biitā diid ummīd kā mausam ḳhaak uḌtī hai āñkhoñ meñ
kab bhejoge dard kā bādal kab barkhā barsāoge
ahd-e-vafā yā tark-e-mohabbat jo chāho so aap karo
apne bas kī baat hī kyā hai ham se kyā manvāoge
kis ne vasl kā sūraj dekhā kis par hijr kī raat Dhalī
gesuoñ vaale kaun the kyā the un ko kyā jatlāoge
'faiz' diloñ ke bhaag meñ hai ghar bharnā bhī luT jaanā bhī
tum is husn ke lutf-o-karam par kitne din itrāoge
کب تک دل کی خیر منائیں کب تک رہ دکھلاؤ گے
کب تک چین کی مہلت دو گے کب تک یاد نہ آؤ گے
بیتا دید امید کا موسم خاک اڑتی ہے آنکھوں میں
کب بھیجو گے درد کا بادل کب برکھا برساؤ گے
عہد وفا یا ترک محبت جو چاہو سو آپ کرو
اپنے بس کی بات ہی کیا ہے ہم سے کیا منواؤ گے
کس نے وصل کا سورج دیکھا کس پر ہجر کی رات ڈھلی
گیسوؤں والے کون تھے کیا تھے ان کو کیا جتلاؤ گے
فیضؔ دلوں کے بھاگ میں ہے گھر بھرنا بھی لٹ جانا بھی
تم اس حسن کے لطف و کرم پر کتنے دن اتراؤ گے