जिस रोज़ से अपना मुझे इदराक हुआ है
हर लम्हा मिरी ज़ीस्त का सफ़्फ़ाक हुआ है
घर से तो निकल आए हो सोचा नहीं कुछ भी
अब सोच रहे हो जो बदन चाक हुआ है
तहज़ीब ही बाक़ी है न अब शर्म-ओ-हया कुछ
किस दर्जा अब इंसान ये बेबाक हुआ है
गुज़रा है कोई सानेहा बस्ती में हमारी
हर शख़्स का चेहरा यहाँ ग़मनाक हुआ है
उफ़्ताद ज़माने की पड़ी ऐसी है मुझ पर
था जो भी असासा ख़स-ओ-ख़ाशाक हुआ है
आँधी थी वो नफ़रत की कि इंसान था अंधा
हैं शो'ले उठे ऐसे कि सब ख़ाक हुआ है
अस्लाफ़ के अक़दार को अपनाया है जिस ने
पस्ती में रहा फिर भी वो अफ़्लाक हुआ है
रखा है क़दम जिस ने सियासत के सफ़र पर
वो शख़्स 'ज़फ़र' साहब-ए-इम्लाक हुआ है
jis roz se apnā mujhe idrāk huā hai
har lamha mirī ziist kā saffāk huā hai
ghar se to nikal aa.e ho sochā nahīñ kuchh bhī
ab soch rahe ho jo badan chaak huā hai
tahzīb hī baaqī hai na ab sharm-o-hayā kuchh
kis darja ab insān ye bebāk huā hai
guzrā hai koī sāneha bastī meñ hamārī
har shaḳhs kā chehra yahāñ ġhamnāk huā hai
uftād zamāne kī paḌī aisī hai mujh par
thā jo bhī asāsa ḳhas-o-ḳhāshāk huā hai
āñdhī thī vo nafrat kī ki insān thā andhā
haiñ sho'le uThe aise ki sab ḳhaak huā hai
aslāf ke aqdār ko apnāyā hai jis ne
pastī meñ rahā phir bhī vo aflāk huā hai
rakhā hai qadam jis ne siyāsat ke safar par
vo shaḳhs 'zafar' sāhab-e-imlāk huā hai
جس روز سے اپنا مجھے ادراک ہوا ہے
ہر لمحہ مری زیست کا سفاک ہوا ہے
گھر سے تو نکل آئے ہو سوچا نہیں کچھ بھی
اب سوچ رہے ہو جو بدن چاک ہوا ہے
تہذیب ہی باقی ہے نہ اب شرم و حیا کچھ
کس درجہ اب انسان یہ بے باک ہوا ہے
گزرا ہے کوئی سانحہ بستی میں ہماری
ہر شخص کا چہرہ یہاں غم ناک ہوا ہے
افتاد زمانے کی پڑی ایسی ہے مجھ پر
تھا جو بھی اثاثہ خس و خاشاک ہوا ہے
آندھی تھی وہ نفرت کی کہ انسان تھا اندھا
ہیں شعلے اٹھے ایسے کہ سب خاک ہوا ہے
اسلاف کے اقدار کو اپنایا ہے جس نے
پستی میں رہا پھر بھی وہ افلاک ہوا ہے
رکھا ہے قدم جس نے سیاست کے سفر پر
وہ شخص ظفرؔ صاحب املاک ہوا ہے