जीते-जी के आश्ना हैं फिर किसी का कौन है
नाम के अपने हुआ करते हैं अपना कौन है
जान-ए-जाँ तेरे सिवा रश्क-ए-मसीहा कौन है
मार कर ठोकर जिला दे मुझ को ऐसा कौन है
ये सियह ख़ेमा है किस का इस में लैला कौन है
चम्बर-ए-अफ़्लाक के पर्दे में बैठा कौन है
हम न कहते थे कि सौदा ज़ुल्फ़ का अच्छा नहीं
देखिए तो अब सर-ए-बाज़ार रुस्वा कौन है
वो तो है बे-नूर और ये नूर से मा'मूर है
चश्म को नर्गिस कहेगा ऐसा अंधा कौन है
दम-ब-दम हर बात में करते हो ठंडी गर्मियाँ
आप की उखड़ी हुई बातों पे जमता कौन है
वादी-ए-वहशत में भी हम-राह हैं आह-ओ-फ़ुग़ाँ
अपने हमदम साथ हैं ऐ जान तन्हा कौन है
ख़ैर है ऐ मेहरबाँ किस ने उन्हें सीधा क्या
आप क्यूँ बल करते हैं ज़ुल्फ़ों से उलझा कौन है
दुख़्तर-ए-रज़ सच बता तेरी नज़र किस पर पड़ी
टट्टियों की आड़ में से किस को ताका कौन है
आज मक़्तल में खड़े कहते हैं वो ख़ंजर-ब-कफ़
बोल उठ्ठे चाहने वाला हमारा कौन है
चार दिन जो कुछ तमाशा देखना है देख ले
सैर को फिर गुलशन-ए-दुनिया में आता कौन है
बाँध कर तेग़ ओ कफ़न जाते हैं उस क़ातिल के पास
हम भी देखें रोकने वाला हमारा कौन है
क्या तजाहुल है कि वो फ़रमाते हैं अग़्यार से
मैं नहीं पहचानता मुतलक़ कि 'आग़ा' कौन है
jīte-jī ke āshnā haiñ phir kisī kā kaun hai
naam ke apne huā karte haiñ apnā kaun hai
jān-e-jāñ tere sivā rashk-e-masīhā kaun hai
maar kar Thokar jilā de mujh ko aisā kaun hai
ye siyah ḳhema hai kis kā is meñ lailā kaun hai
chamber-e-aflāk ke parde meñ baiThā kaun hai
ham na kahte the ki saudā zulf kā achchhā nahīñ
dekhiye to ab sar-e-bāzār rusvā kaun hai
vo to hai be-nūr aur ye nuur se mā'mūr hai
chashm ko nargis kahegā aisā andhā kaun hai
dam-ba-dam har baat meñ karte ho ThanDī garmiyāñ
aap kī ukhḌī huī bātoñ pe jamtā kaun hai
vādī-e-vahshat meñ bhī ham-rāh haiñ āh-o-fuġhāñ
apne hamdam saath haiñ ai jaan tanhā kaun hai
ḳhair hai ai mehrbāñ kis ne unheñ sīdhā kyā
aap kyuuñ bal karte haiñ zulfoñ se uljhā kaun hai
duḳhtar-e-raz sach batā terī nazar kis par paḌī
TaTTiyoñ kī aaḌ meñ se kis ko taakā kaun hai
aaj maqtal meñ khaḌe kahte haiñ vo ḳhanjar-ba-kaf
bol uTThe chāhne vaalā hamārā kaun hai
chaar din jo kuchh tamāshā dekhnā hai dekh le
sair ko phir gulshan-e-duniyā meñ aatā kaun hai
bāñdh kar teġh o kafan jaate haiñ us qātil ke paas
ham bhī dekheñ rokne vaalā hamārā kaun hai
kyā tajāhul hai ki vo farmāte haiñ aġhyār se
maiñ nahīñ pahchāntā mutlaq ki 'āġhā' kaun hai
جیتے جی کے آشنا ہیں پھر کسی کا کون ہے
نام کے اپنے ہوا کرتے ہیں اپنا کون ہے
جان جاں تیرے سوا رشک مسیحا کون ہے
مار کر ٹھوکر جلا دے مجھ کو ایسا کون ہے
یہ سیہ خیمہ ہے کس کا اس میں لیلیٰ کون ہے
چنبر افلاک کے پردے میں بیٹھا کون ہے
ہم نہ کہتے تھے کہ سودا زلف کا اچھا نہیں
دیکھیے تو اب سر بازار رسوا کون ہے
وہ تو ہے بے نور اور یہ نور سے معمور ہے
چشم کو نرگس کہے گا ایسا اندھا کون ہے
دم بدم ہر بات میں کرتے ہو ٹھنڈی گرمیاں
آپ کی اکھڑی ہوئی باتوں پہ جمتا کون ہے
وادئ وحشت میں بھی ہمراہ ہیں آہ و فغاں
اپنے ہمدم ساتھ ہیں اے جان تنہا کون ہے
خیر ہے اے مہرباں کس نے انہیں سیدھا کیا
آپ کیوں بل کرتے ہیں زلفوں سے الجھا کون ہے
دختر رز سچ بتا تیری نظر کس پر پڑی
ٹٹیوں کی آڑ میں سے کس کو تاکا کون ہے
آج مقتل میں کھڑے کہتے ہیں وہ خنجر بکف
بول اٹھے چاہنے والا ہمارا کون ہے
چار دن جو کچھ تماشا دیکھنا ہے دیکھ لے
سیر کو پھر گلشن دنیا میں آتا کون ہے
باندھ کر تیغ و کفن جاتے ہیں اس قاتل کے پاس
ہم بھی دیکھیں روکنے والا ہمارا کون ہے
کیا تجاہل ہے کہ وہ فرماتے ہیں اغیار سے
میں نہیں پہچانتا مطلق کہ آغاؔ کون ہے