जा लड़ी यार से हमारी आँख
देखो कर बैठी फ़ौजदारी आँख
शोख़ियाँ भूल जाए आहू-ए-चीं
देख पाए अगर तुम्हारी आँख
लाख इंकार मय-कशी से करो
कहीं छुपती भी है ख़ुमारी आँख
होवेगा रंज या ख़ुशी होगी
क्यूँ फड़कने लगी हमारी आँख
जानिब-ए-दर निगाह-ए-हसरत है
किस की करती है इंतिज़ारी आँख
कर के इक़रार हो गया मुंकिर
सामने आ के किस ने मारी आँख
मुर्ग़-ए-दिल पर निगाह है उन की
ऐसी देखी नहीं शिकारी आँख
है सितम नोक-झोंक चितवन में
लड़ रही है छुरी कटारी आँख
दिल जिगर दोनों हो गए मजरूह
बन गई है छुरी कटारी आँख
कोई दम में उभारते हैं उसे
उस ने देखा कि हम ने मारी आँख
'आग़ा' साहब तुम्हारे दिलबर की
क्या रसीली है क्या है प्यारी आँख
jā laḌī yaar se hamārī aañkh
dekho kar baiThī faujdārī aañkh
shoḳhiyāñ bhuul jaa.e āhū-e-chīñ
dekh paa.e agar tumhārī aañkh
laakh inkār mai-kashī se karo
kahīñ chhuptī bhī hai ḳhumārī aañkh
hovegā rañj yā ḳhushī hogī
kyuuñ phaḌakne lagī hamārī aañkh
jānib-e-dar nigāh-e-hasrat hai
kis kī kartī hai intizārī aañkh
kar ke iqrār ho gayā munkir
sāmne aa ke kis ne maarī aañkh
murġh-e-dil par nigāh hai un kī
aisī dekhī nahīñ shikārī aañkh
hai sitam nok-jhoñk chitvan meñ
laḌ rahī hai chhurī kaTārī aañkh
dil jigar donoñ ho ga.e majrūh
ban ga.ī hai chhurī kaTārī aañkh
koī dam meñ ubhārte haiñ use
us ne dekhā ki ham ne maarī aañkh
'āġhā' sāhab tumhāre dilbar kī
kyā rasīlī hai kyā hai pyārī aañkh
جا لڑی یار سے ہماری آنکھ
دیکھو کر بیٹھی فوجداری آنکھ
شوخیاں بھول جائے آہوئے چیں
دیکھ پائے اگر تمہاری آنکھ
لاکھ انکار مے کشی سے کرو
کہیں چھپتی بھی ہے خماری آنکھ
ہووے گا رنج یا خوشی ہوگی
کیوں پھڑکنے لگی ہماری آنکھ
جانب در نگاہ حسرت ہے
کس کی کرتی ہے انتظاری آنکھ
کر کے اقرار ہو گیا منکر
سامنے آ کے کس نے ماری آنکھ
مرغ دل پر نگاہ ہے ان کی
ایسی دیکھی نہیں شکاری آنکھ
ہے ستم نوک جھونک چتون میں
لڑ رہی ہے چھری کٹاری آنکھ
دل جگر دونوں ہو گئے مجروح
بن گئی ہے چھری کٹاری آنکھ
کوئی دم میں ابھارتے ہیں اسے
اس نے دیکھا کہ ہم نے ماری آنکھ
آغاؔ صاحب تمہارے دلبر کی
کیا رسیلی ہے کیا ہے پیاری آنکھ