इज़्तिराब-ए-ख़ुद-नुमाई-ओ-हया में फ़र्क़ है
हम समझते हैं जो उन की हर अदा में फ़र्क़ है
दोस्तो इज्माल की तफ़्सील का मौक़ा' नहीं
मैं ये कहता हूँ कि इख़्लास-ओ-रिया में फ़र्क़ है
एक इक़दाम-ए-यक़ीं है दूसरा शक-आश्ना
ए'तिराफ़-ए-लग़्ज़िश-ए-‘उज़्र-ओ-ख़ता में फ़र्क़ है
हाल चेहरे से 'अयाँ होता है लफ़्ज़ों से नहीं
या'नी अब मा’नन सुकूत-ओ-इल्तिजा में फ़र्क़ है
एक ही 'आलम में हैं सब जादा-पैमा-ए-'अदम
वैसे होने को यहाँ शाह-ओ-गदा में फ़र्क़ है
एक तूफ़ानों पे क़ादिर एक तूफ़ाँ-आज़मा
ये हक़ीक़त है ख़ुदा-ओ-नाख़ुदा में फ़र्क़ है
इस का पहले फ़ैसला हो क़ाफ़िला क्यूँकर लुटा
ये ग़लत है रहज़न-ओ-जादा-नुमा में फ़र्क़ है
चढ़ते सूरज के पुजारी डूबता सूरज भी देख
ये बताना है ज़वाल-ओ-इर्तिक़ा में फ़र्क़ है
वज्ह-ए-महरूमी है मेरी शान-ए-इस्तिग़ना 'उरूज'
दस्त-कश में और दस्त-ए-ना-रसा में फ़र्क़ है
iztirāb-e-ḳhud-numā.ī-o-hayā meñ farq hai
ham samajhte haiñ jo un kī har adā meñ farq hai
dosto ijmāl kī tafsīl kā mauqa' nahīñ
maiñ ye kahtā huuñ ki iḳhlās-o-riyā meñ farq hai
ek iqdām-e-yaqīñ hai dūsrā shak-āshnā
e'tirāf-e-laġhzish-e-‘uzr-o-ḳhatā meñ farq hai
haal chehre se 'ayāñ hotā hai lafzoñ se nahīñ
yā'nī ab mā’nan sukūt-o-iltijā meñ farq hai
ek hī 'ālam meñ haiñ sab jāda-paimā-e-'adam
vaise hone ko yahāñ shāh-o-gadā meñ farq hai
ek tūfānoñ pe qādir ek tūfāñ-āzmā
ye haqīqat hai ḳhudā-o-nā-ḳhudā meñ farq hai
is kā pahle faisla ho qāfila kyūñkar luTā
ye ġhalat hai rahzan-o-jāda-numā meñ farq hai
chaḌhte sūraj ke pujārī Dūbtā sūraj bhī dekh
ye batānā hai zavāl-o-irtiqā meñ farq hai
vaj.h-e-mahrūmī hai merī shān-e-istiġhnā 'urūj'
dast-kash meñ aur dast-e-nā-rasā meñ farq hai
اضطراب خود نمائی و حیا میں فرق ہے
ہم سمجھتے ہیں جو ان کی ہر ادا میں فرق ہے
دوستو اجمال کی تفصیل کا موقع نہیں
میں یہ کہتا ہوں کہ اخلاص و ریا میں فرق ہے
ایک اقدام یقیں ہے دوسرا شک آشنا
اعتراف لغزش عذر و خطا میں فرق ہے
حال چہرے سے عیاں ہوتا ہے لفظوں سے نہیں
یعنی اب معناً سکوت و التجا میں فرق ہے
ایک ہی عالم میں ہیں سب جادہ پیمائے عدم
ویسے ہونے کو یہاں شاہ و گدا میں فرق ہے
ایک طوفانوں پہ قادر ایک طوفاں آزما
یہ حقیقت ہے خدا و ناخدا میں فرق ہے
اس کا پہلے فیصلہ ہو قافلہ کیوں کر لٹا
یہ غلط ہے رہزن و جادہ نما میں فرق ہے
چڑھتے سورج کے پجاری ڈوبتا سورج بھی دیکھ
یہ بتانا ہے زوال و ارتقا میں فرق ہے
وجہ محرومی ہے میری شان استغنا عروجؔ
دست کش میں اور دست نارسا میں فرق ہے