इस एक डर से ख़्वाब देखता नहीं
मैं जो भी देखता हूँ भूलता नहीं
किसी मुंडेर पर कोई दिया जला
फिर इस के बाद क्या हुआ पता नहीं
अभी से हाथ काँपने लगे मिरे
अभी तो मैं ने वो बदन छुआ नहीं
मैं आ रहा था रास्ते में फूल थे
मैं जा रहा हूँ कोई रोकता नहीं
तिरी तरफ़ चले तो उम्र कट गई
ये और बात रास्ता कटा नहीं
मैं राह से भटक गया तो क्या हुआ
चराग़ मेरे हाथ में तो था नहीं
मैं इन दिनों हूँ ख़ुद से इतना बे-ख़बर
मैं मर चुका हूँ और मुझे पता नहीं
उस अज़दहे की आँख पूछती रही
किसी को ख़ौफ़ आ रहा है या नहीं
ये इश्क़ भी अजब कि एक शख़्स से
मुझे लगा कि हो गया हुआ नहीं
ख़ुदा करे वो पेड़ ख़ैरियत से हो
कई दिनों से उस का राब्ता नहीं
is ek Dar se ḳhvāb dekhtā nahīñ
maiñ jo bhī dekhtā huuñ bhūltā nahīñ
kisī muñDer par koī diyā jalā
phir is ke baad kyā huā patā nahīñ
abhī se haath kāñpne lage mire
abhī to maiñ ne vo badan chhuā nahīñ
maiñ aa rahā thā rāste meñ phuul the
maiñ jā rahā huuñ koī roktā nahīñ
tirī taraf chale to umr kaT ga.ī
ye aur baat rāsta kaTā nahīñ
maiñ raah se bhaTak gayā to kyā huā
charāġh mere haath meñ to thā nahīñ
maiñ in dinoñ huuñ ḳhud se itnā be-ḳhabar
maiñ mar chukā huuñ aur mujhe patā nahīñ
us azhdahe kī aañkh pūchhtī rahī
kisī ko ḳhauf aa rahā hai yā nahīñ
ye ishq bhī ajab ki ek shaḳhs se
mujhe lagā ki ho gayā huā nahīñ
ḳhudā kare vo peḌ ḳhairiyat se ho
ka.ī dinoñ se us kā rābta nahīñ
اس ایک ڈر سے خواب دیکھتا نہیں
میں جو بھی دیکھتا ہوں بھولتا نہیں
کسی منڈیر پر کوئی دیا جلا
پھر اس کے بعد کیا ہوا پتا نہیں
ابھی سے ہاتھ کانپنے لگے مرے
ابھی تو میں نے وہ بدن چھوا نہیں
میں آ رہا تھا راستے میں پھول تھے
میں جا رہا ہوں کوئی روکتا نہیں
تری طرف چلے تو عمر کٹ گئی
یہ اور بات راستہ کٹا نہیں
میں راہ سے بھٹک گیا تو کیا ہوا
چراغ میرے ہاتھ میں تو تھا نہیں
میں ان دنوں ہوں خود سے اتنا بے خبر
میں مر چکا ہوں اور مجھے پتا نہیں
اس اژدہے کی آنکھ پوچھتی رہی
کسی کو خوف آ رہا ہے یا نہیں
یہ عشق بھی عجب کہ ایک شخص سے
مجھے لگا کہ ہو گیا ہوا نہیں
خدا کرے وہ پیڑ خیریت سے ہو
کئی دنوں سے اس کا رابطہ نہیں