चेहरा देखें तेरे होंट और पलकें देखें
दिल पे आँखें रक्खें तेरी साँसें देखें
सुर्ख़ लबों से सब्ज़ दुआएँ फूटी हैं
पीले फूलों तुम को नीली आँखें देखें
साल होने को आया है वो कब लौटेगा
आओ खेत की सैर को निकलें कूजें देखें
थोड़ी देर में जंगल हम को आक़ करेगा
बरगद देखें या बरगद की शाख़ें देखें
मेरे मालिक आप तो सब कुछ कर सकते हैं
साथ चलें हम और दुनिया की आँखें देखें
हम तेरे होंटों की लर्ज़िश कब भूले हैं
पानी में पत्थर फेंकें और लहरें देखें
chehrā dekheñ tere hoñT aur palkeñ dekheñ
dil pe āñkheñ rakkheñ terī sāñseñ dekheñ
surḳh laboñ se sabz duā.eñ phūTī haiñ
piile phūloñ tum ko niilī āñkheñ dekheñ
saal hone ko aayā hai vo kab lauTegā
aao khet kī sair ko nikleñ kūñjeñ dekheñ
thoḌī der meñ jañgal ham ko aaq karegā
bargad dekheñ yā bargad kī shāḳheñ dekheñ
mere mālik aap to sab kuchh kar sakte haiñ
saath chaleñ ham aur duniyā kī āñkheñ dekheñ
ham tere hoñToñ kī larzish kab bhūle haiñ
paanī meñ patthar pheñkeñ aur lahreñ dekheñ
چہرہ دیکھیں تیرے ہونٹ اور پلکیں دیکھیں
دل پہ آنکھیں رکھیں تیری سانسیں دیکھیں
سرخ لبوں سے سبز دعائیں پھوٹی ہیں
پیلے پھولوں تم کو نیلی آنکھیں دیکھیں
سال ہونے کو آیا ہے وہ کب لوٹے گا
آؤ کھیت کی سیر کو نکلیں کونجیں دیکھیں
تھوڑی دیر میں جنگل ہم کو عاق کرے گا
برگد دیکھیں یا برگد کی شاخیں دیکھیں
میرے مالک آپ تو سب کچھ کر سکتے ہیں
ساتھ چلیں ہم اور دنیا کی آنکھیں دیکھیں
ہم تیرے ہونٹوں کی لرزش کب بھولے ہیں
پانی میں پتھر پھینکیں اور لہریں دیکھیں