हुस्न आँखों में रहे दिल में जवानी तो रहे
ज़िंदगानी तेरे होने की निशानी तो रहे
उस की ख़ातिर तो गवारा कोई बन-बास भी है
सब के होंटों पे मिरी राम-कहानी तो रहे
ज़ब्त में ये भी है गोयाई का अपना अंदाज़
लब हों ख़ामोश मगर अश्क-फ़िशानी तो रहे
गर उजालों से गुरेज़ाँ है धुँदलकों में तो आ
दिन ब-हर-तौर कटा शाम सुहानी तो रहे
तू न शीरीं न मैं फ़रहाद मगर यूँ तो मिलें
हम रहें या न रहें अपनी कहानी तो रहे
आओ कुछ देर करें पहले-पहल की बातें
याद इस प्यार की वो रस्म पुरानी तो रहे
तेरी आँखें तो बनें ख़ुश्क जज़ीरे 'जाफ़र'
ये जो दरिया हैं तो दरियाओं में पानी तो रहे
husn āñkhoñ meñ rahe dil meñ javānī to rahe
zindagānī tere hone kī nishānī to rahe
us kī ḳhātir to gavārā koī ban-bās bhī hai
sab ke hoñToñ pe mirī rām-kahānī to rahe
zabt meñ ye bhī hai goyā.ī kā apnā andāz
lab hoñ ḳhāmosh magar ashk-fishānī to rahe
gar ujāloñ se gurezāñ hai dhuñdlakoñ meñ to aa
din ba-har-taur kaTā shaam suhānī to rahe
tū na shīrīñ na maiñ farhād magar yuuñ to mileñ
ham raheñ yā na raheñ apnī kahānī to rahe
aao kuchh der kareñ pahle-pahal kī bāteñ
yaad is pyaar kī vo rasm purānī to rahe
terī āñkheñ to baneñ ḳhushk jazīre 'ja.afar'
ye jo dariyā haiñ to dariyāoñ meñ paanī to rahe
حسن آنکھوں میں رہے دل میں جوانی تو رہے
زندگانی تیرے ہونے کی نشانی تو رہے
اس کی خاطر تو گوارا کوئی بن باس بھی ہے
سب کے ہونٹوں پہ مری رام کہانی تو رہے
ضبط میں یہ بھی ہے گویائی کا اپنا انداز
لب ہوں خاموش مگر اشک فشانی تو رہے
گر اجالوں سے گریزاں ہے دھندلکوں میں تو آ
دن بہ ہر طور کٹا شام سہانی تو رہے
تو نہ شیریں نہ میں فرہاد مگر یوں تو ملیں
ہم رہیں یا نہ رہیں اپنی کہانی تو رہے
آؤ کچھ دیر کریں پہلے پہل کی باتیں
یاد اس پیار کی وہ رسم پرانی تو رہے
تیری آنکھیں تو بنیں خشک جزیرے جعفرؔ
یہ جو دریا ہیں تو دریاؤں میں پانی تو رہے