हो रूह के तईं जिस्म से किस तरह मोहब्बत
ताइर को क़फ़स से भी कहीं हो है मोहब्बत
गो ज़िल्ल-ए-हुमा मत हो रहे सर पे हमारे
ता-हश्र तेरा साया-ए-दीवार सलामत
अतवार तिरे बाइस-ए-आफ़ात-ए-जहाँ हैं
आसार तिरे हैंगे सब आसार-ए-क़यामत
सय्याद न अब बे-पर-ओ-बालों को तू अब छोड़
फिर हसरत-ए-गुल देगी हमें सख़्त अज़िय्यत
अस्बाब जहाँ की तो दिला फ़िक्र न कर तू
हासिल नहीं कुछ इस में ब-जुज़ रंज-ओ-मशक़्क़त
छोड़ूँगा न मैं तुझ को तिरे ख़त के भी आए
तू तब भी न हो यार तो ये भी मिरी क़िस्मत
'ताबाँ' तू सदा सैर हर इक गुल की किया कर
इस गुलशन-ए-हस्ती का नज़ारा है ग़नीमत
ho ruuh ke ta.iiñ jism se kis tarah mohabbat
taa.ir ko qafas se bhī kahīñ ho hai mohabbat
go zill-e-humā mat ho rahe sar pe hamāre
tā-hashr terā sāya-e-dīvār salāmat
atvār tire bā.is-e-āfāt-e-jahāñ haiñ
āsār tire haiñge sab āsār-e-qayāmat
sayyād na ab be-par-o-bāloñ ko tū ab chhoḌ
phir hasrat-e-gul degī hameñ saḳht aziyyat
asbāb jahāñ kī to dilā fikr na kar tū
hāsil nahīñ kuchh is meñ ba-juz ranj-o-mashaqqat
chhoḌūñgā na maiñ tujh ko tire ḳhat ke bhī aa.e
tū tab bhī na ho yaar to ye bhī mirī qismat
'tābāñ' tū sadā sair har ik gul kī kiyā kar
is gulshan-e-hastī kā nazārā hai ġhanīmat
ہو روح کے تئیں جسم سے کس طرح محبت
طائر کو قفس سے بھی کہیں ہو ہے محبت
گو ظل ہما مت ہو رہے سر پہ ہمارے
تا حشر تیرا سایۂ دیوار سلامت
اطوار ترے باعث آفات جہاں ہیں
آثار ترے ہیں گے سب آثار قیامت
صیاد نہ اب بے پر و بالوں کو تو اب چھوڑ
پھر حسرت گل دے گی ہمیں سخت اذیت
اسباب جہاں کی تو دلا فکر نہ کر تو
حاصل نہیں کچھ اس میں بجز رنج و مشقت
چھوڑوں گا نہ میں تجھ کو ترے خط کے بھی آئے
تو تب بھی نہ ہو یار تو یہ بھی مری قسمت
تاباںؔ تو سدا سیر ہر اک گل کی کیا کر
اس گلشن ہستی کا نظارا ہے غنیمت