हज़ार ख़ाक के ज़र्रों में मिल गया हूँ मैं
मआल-ए-शौक़ हूँ आईना-ए-वफ़ा हूँ मैं
कहाँ ये वुसअत-ए-जल्वा कहाँ ये दीदा-ए-तंग
कभी तुझे कभी अपने को देखता हूँ मैं
शहीद-ए-इश्क़ के जल्वे की इंतिहा ही नहीं
हज़ार रंग से आलम में रू-नुमा हूँ मैं
मिरा वजूद हक़ीक़त मिरा अदम धोका
फ़ना की शक्ल में सर-चश्मा-ए-बक़ा हूँ मैं
है तेरी आँख में पिन्हाँ मिरा वजूद ओ अदम
निगाह फेर ले फिर देख क्या से क्या हूँ मैं
मिरा वजूद भी था कोई चीज़ क्या मालूम
इस ए'तिबार से पहले ही मिट चुका हूँ मैं
शुमार किस में करूँ निस्बत-ए-हक़ीक़ी को
ख़ुदा नहीं हूँ मगर मज़हर-ए-ख़ुदा हूँ मैं
मिरा निशाँ निगह-ए-हक़-नगर पे है मौक़ूफ़
न ख़ुद-शनास हूँ 'हादी' न ख़ुद-नुमा हूँ मैं
hazār ḳhaak ke zarroñ meñ mil gayā huuñ maiñ
ma.āl-e-shauq huuñ ā.īna-e-vafā huuñ maiñ
kahāñ ye vus.at-e-jalva kahāñ ye dīda-e-tañg
kabhī tujhe kabhī apne ko dekhtā huuñ maiñ
shahīd-e-ishq ke jalve kī intihā hī nahīñ
hazār rañg se aalam meñ rū-numā huuñ maiñ
mirā vajūd haqīqat mirā adam dhokā
fanā kī shakl meñ sar-chashma-e-baqā huuñ maiñ
hai terī aañkh meñ pinhāñ mirā vajūd o adam
nigāh pher le phir dekh kyā se kyā huuñ maiñ
mirā vajūd bhī thā koī chiiz kyā mālūm
is e'tibār se pahle hī miT chukā huuñ maiñ
shumār kis meñ karūñ nisbat-e-haqīqī ko
ḳhudā nahīñ huuñ magar maz.har-e-ḳhudā huuñ maiñ
mirā nishāñ nigah-e-haq-nagar pe hai mauqūf
na ḳhud-shanās huuñ 'hādī' na ḳhud-numā huuñ maiñ
ہزار خاک کے ذروں میں مل گیا ہوں میں
مآل شوق ہوں آئینہ وفا ہوں میں
کہاں یہ وسعت جلوہ کہاں یہ دیدۂ تنگ
کبھی تجھے کبھی اپنے کو دیکھتا ہوں میں
شہید عشق کے جلوے کی انتہا ہی نہیں
ہزار رنگ سے عالم میں رونما ہوں میں
مرا وجود حقیقت مرا عدم دھوکا
فنا کی شکل میں سرچشمۂ بقا ہوں میں
ہے تیری آنکھ میں پنہاں مرا وجود و عدم
نگاہ پھیر لے پھر دیکھ کیا سے کیا ہوں میں
مرا وجود بھی تھا کوئی چیز کیا معلوم
اس اعتبار سے پہلے ہی مٹ چکا ہوں میں
شمار کس میں کروں نسبت حقیقی کو
خدا نہیں ہوں مگر مظہر خدا ہوں میں
مرا نشاں نگہ حق نگر پہ ہے موقوف
نہ خود شناس ہوں ہادیؔ نہ خود نما ہوں میں