हर ज़र्रा चमन-ज़ार की ज़ीनत का सबब है
महफ़िल में चमन-ज़ार की हर शय का अदब है
इक उम्र ब-दस्तूर गुज़र जाए तो बेहतर
गो दिल में ब-दस्तूर ठहरने की तलब है
कुछ यूँ है मुक़द्दर की हक़ीक़त कि जहाँ में
ज़ुल्मत है कहीं दिन में कहीं नूर की शब है
हर चीज़ में तामील ख़िरद की न हो लेकिन
हर चीज़ पे उस चीज़ का दावा तो अजब है
रखने को तबद्दुल का भरम मुड़ के जो देखा
वैसी ही थी दुनिया मिरी जैसी कि वो अब है
दुनिया न हो फ़िरदौस पर इतना तो है 'दानिश'
जैसी भी है दुनिया मिरी हस्ती का सबब है
har zarra chaman-zār kī zīnat kā sabab hai
mahfil meñ chaman-zār kī har shai kā adab hai
ik umr ba-dastūr guzar jaa.e to behtar
go dil meñ ba-dastūr Thaharne kī talab hai
kuchh yuuñ hai muqaddar kī haqīqat ki jahāñ meñ
zulmat hai kahīñ din meñ kahīñ nuur kī shab hai
har chiiz meñ ta.amīl ḳhirad kī na ho lekin
har chiiz pe us chiiz kā da.avā to ajab hai
rakhne ko tabaddul kā bharam muḌ ke jo dekhā
vaisī hī thī duniyā mirī jaisī ki vo ab hai
duniyā na ho firdaus par itnā to hai 'dānish'
jaisī bhī hai duniyā mirī hastī kā sabab hai
ہر ذرہ چمن زار کی زینت کا سبب ہے
محفل میں چمن زار کی ہر شے کا ادب ہے
اک عمر بدستور گزر جائے تو بہتر
گو دل میں بدستور ٹھہرنے کی طلب ہے
کچھ یوں ہے مقدر کی حقیقت کہ جہاں میں
ظلمت ہے کہیں دن میں کہیں نور کی شب ہے
ہر چیز میں تعمیل خرد کی نہ ہو لیکن
ہر چیز پہ اس چیز کا دعویٰ تو عجب ہے
رکھنے کو تبدل کا بھرم مڑ کے جو دیکھا
ویسی ہی تھی دنیا مری جیسی کہ وہ اب ہے
دنیا نہ ہو فردوس پر اتنا تو ہے دانشؔ
جیسی بھی ہے دنیا مری ہستی کا سبب ہے