हर क़दम पर मुझे लग़्ज़िश का गुमाँ होता है
चश्म-ए-साक़ी की नवाज़िश का गुमाँ होता है
ये हिजाबात-ए-तअय्युन मुझे मंज़ूर नहीं
फ़िक्र-ए-आज़ाद को बंदिश का गुमाँ होता है
लुत्फ़-ए-पैहम न सही जौर-ए-मुसलसल ही सही
हर तवज्जोह पे नवाज़िश का गुमाँ होता है
उन के आगे लब-ए-इज़हार पे है मोहर-ए-सुकूत
एक ख़ामोश परस्तिश का गुमाँ होता है
मैं क़फ़स में हूँ क़फ़स पेश-ए-निगाह-ए-सय्याद
पर-ए-पर्वाज़ में जुम्बिश का गुमाँ होता है
सिर्फ़ तुम दिल की तबाही का सबब क्या होते
बख़्त-ए-ना-साज़ की साज़िश का गुमाँ होता है
बात ये क्या है 'उरूज' इन की हर इक बात में आज
अपनी हर तर्ज़-ए-गुज़ारिश का गुमाँ होता है
har qadam par mujhe laġhzish kā gumāñ hotā hai
chashm-e-sāqī kī navāzish kā gumāñ hotā hai
ye hijābāt-e-ta.ayyun mujhe manzūr nahīñ
fikr-e-āzād ko bandish kā gumāñ hotā hai
lutf-e-paiham na sahī jaur-e-musalsal hī sahī
har tavajjoh pe navāzish kā gumāñ hotā hai
un ke aage lab-e-iz.hār pe hai mohar-e-sukūt
ek ḳhāmosh parastish kā gumāñ hotā hai
maiñ qafas meñ huuñ qafas pesh--e-nigāh-e-sayyād
par-e-parvāz meñ jumbish kā gumāñ hotā hai
sirf tum dil kī tabāhī kā sabab kyā hote
baḳht-e-nā-sāz kī sāzish kā gumāñ hotā hai
baat ye kyā hai 'urūj' in kī har ik baat meñ aaj
apnī har tarz-e-guzārish kā gumāñ hotā hai
ہر قدم پر مجھے لغزش کا گماں ہوتا ہے
چشم ساقی کی نوازش کا گماں ہوتا ہے
یہ حجابات تعین مجھے منظور نہیں
فکر آزاد کو بندش کا گماں ہوتا ہے
لطف پیہم نہ سہی جور مسلسل ہی سہی
ہر توجہ پہ نوازش کا گماں ہوتا ہے
ان کے آگے لب اظہار پہ ہے مہر سکوت
ایک خاموش پرستش کا گماں ہوتا ہے
میں قفس میں ہوں قفس پیش نگاہ صیاد
پر پرواز میں جنبش کا گماں ہوتا ہے
صرف تم دل کی تباہی کا سبب کیا ہوتے
بخت ناساز کی سازش کا گماں ہوتا ہے
بات یہ کیا ہے عروجؔ ان کی ہر اک بات میں آج
اپنی ہر طرز گزارش کا گماں ہوتا ہے