हँसी में हक़ जता कर घर-जमाई छीन लेता है
मिरे हिस्से की टूटी चारपाई छीन लेता है
उसे मौक़ा' मिले तो पाई पाई छीन लेता है
यहाँ भाई की ख़ुशियाँ उस का भाई छीन लेता है
भला फ़ुर्सत किसे है जो यहाँ रिश्तों को पहचाने
ये दौर-ए-ख़ुद-फ़रेबी आश्नाई छीन लेता है
जहालत में वो कामिल है मु'अल्लिम बन गया कैसे
पढ़ाता है कि बच्चों की पढ़ाई छीन लेता है
रवा है उस को हर सरक़ा तवारुद के बहाने से
कभी नज़्में कभी ग़ज़लें पराई छीन लेता है
कोई क़ाबू नहीं चलता कि उस के हुस्न का डाकू
किसी भी पारसा की पारसाई छीन लेता है
मिरा महबूब नटवरलाल है क्या जो मिरे दिल को
दिखा कर अपने हाथों की सफ़ाई छीन लेता है
बड़ा चालाक है शागिर्द से उस्ताद हैराँ हैं
ग़ज़ल कहते ही वो बन कर क़साई छीन लेता है
हम अपनी क़ौम का जब चाहते हैं रहनुमा बनना
कोई ''दादा'' हमारी रहनुमाई छीन लेता है
सलामत मेरा सरमाया कभी रहने नहीं पाता
न छीने वो तो कोई एक्स वाई छीन लेता है
कमाई छोटे अफ़सर भी किया करते हैं लाखों में
मगर सब से बड़ा अफ़सर मलाई छीन लेता है
बदन मेरा ठिठुर जाता है उस की सर्द-मेहरी से
वो ज़ालिम है मोहब्बत की रज़ाई छीन लेता है
बुढ़ापे के लिए कोई रक़म जब भी बचाता हूँ
तो बेटा ही उसे दे कर दुहाई छीन लेता है
यही मग़रिब की ख़ूबी है यही फ़ैज़ान है उस का
बुराई बाँट देता है भलाई छीन लेता है
निकलने ही नहीं देता किसी को अपने फंदे से
दिमाग़ ओ दिल से तदबीर-ए-रिहाई छीन लेता है
'ज़फ़र' तुम वक़्त से डरते रहो इस पर नज़र रक्खो
ये दिल-बर से भी उस की दिलरुबाई छीन लेता है
hañsī meñ haq jatā kar ghar-jamā.ī chhīn letā hai
mire hisse kī TuuTī chārpā.ī chhīn letā hai
use mauqa' mile to paa.ī paa.ī chhīn letā hai
yahāñ bhaa.ī kī ḳhushiyāñ us kā bhaa.ī chhīn letā hai
bhalā fursat kise hai jo yahāñ rishtoñ ko pahchāne
ye daur-e-ḳhud-farebī āshnā.ī chhīn letā hai
jahālat meñ vo kāmil hai mu'allim ban gayā kaise
paḌhātā hai ki bachchoñ kī paḌhā.ī chhīn letā hai
ravā hai us ko har sarqa tavārud ke bahāne se
kabhī nazmeñ kabhī ġhazleñ parā.ī chhīn letā hai
koī qaabū nahīñ chaltā ki us ke husn kā Daaku
kisī bhī pārsā kī pārsā.ī chhīn letā hai
mirā mahbūb natwarlal hai kyā jo mire dil ko
dikhā kar apne hāthoñ kī safā.ī chhīn letā hai
baḌā chālāk hai shāgird se ustād hairāñ haiñ
ġhazal kahte hī vo ban kar qasā.ī chhīn letā hai
ham apnī qaum kā jab chāhte haiñ rahnumā banñā
koī ''dādā'' hamārī rahnumā.ī chhīn letā hai
salāmat merā sarmāya kabhī rahne nahīñ paatā
na chhīne vo to koī x y chhīn letā hai
kamā.ī chhoTe afsar bhī kiyā karte haiñ lākhoñ meñ
magar sab se baḌā afsar malā.ī chhīn letā hai
badan merā ThiThur jaatā hai us kī sard-mehrī se
vo zālim hai mohabbat kī razā.ī chhīn letā hai
buḌhāpe ke liye koī raqam jab bhī bachātā huuñ
to beTā hī use de kar duhā.ī chhīn letā hai
yahī maġhrib kī ḳhūbī hai yahī faizān hai us kā
burā.ī baañT detā hai bhalā.ī chhīn letā hai
nikalne hī nahīñ detā kisī ko apne phande se
dimāġh o dil se tadbīr-e-rihā.ī chhīn letā hai
'zafar' tum vaqt se Darte raho is par nazar rakkho
ye dil-bar se bhī us kī dilrubā.ī chhīn letā hai
ہنسی میں حق جتا کر گھر جمائی چھین لیتا ہے
مرے حصے کی ٹوٹی چارپائی چھین لیتا ہے
اسے موقع ملے تو پائی پائی چھین لیتا ہے
یہاں بھائی کی خوشیاں اس کا بھائی چھین لیتا ہے
بھلا فرصت کسے ہے جو یہاں رشتوں کو پہچانے
یہ دور خود فریبی آشنائی چھین لیتا ہے
جہالت میں وہ کامل ہے معلم بن گیا کیسے
پڑھاتا ہے کہ بچوں کی پڑھائی چھین لیتا ہے
روا ہے اس کو ہر سرقہ توارد کے بہانے سے
کبھی نظمیں کبھی غزلیں پرائی چھین لیتا ہے
کوئی قابو نہیں چلتا کہ اس کے حسن کا ڈاکو
کسی بھی پارسا کی پارسائی چھین لیتا ہے
مرا محبوب نٹورلال ہے کیا جو مرے دل کو
دکھا کر اپنے ہاتھوں کی صفائی چھین لیتا ہے
بڑا چالاک ہے شاگرد سے استاد حیراں ہیں
غزل کہتے ہی وہ بن کر قصائی چھین لیتا ہے
ہم اپنی قوم کا جب چاہتے ہیں رہنما بننا
کوئی ''دادا'' ہماری رہنمائی چھین لیتا ہے
سلامت میرا سرمایہ کبھی رہنے نہیں پاتا
نہ چھینے وہ تو کوئی ایکس وائی چھین لیتا ہے
کمائی چھوٹے افسر بھی کیا کرتے ہیں لاکھوں میں
مگر سب سے بڑا افسر ملائی چھین لیتا ہے
بدن میرا ٹھٹھر جاتا ہے اس کی سرد مہری سے
وہ ظالم ہے محبت کی رضائی چھین لیتا ہے
بڑھاپے کے لیے کوئی رقم جب بھی بچاتا ہوں
تو بیٹا ہی اسے دے کر دہائی چھین لیتا ہے
یہی مغرب کی خوبی ہے یہی فیضان ہے اس کا
برائی بانٹ دیتا ہے بھلائی چھین لیتا ہے
نکلنے ہی نہیں دیتا کسی کو اپنے پھندے سے
دماغ و دل سے تدبیر رہائی چھین لیتا ہے
ظفرؔ تم وقت سے ڈرتے رہو اس پر نظر رکھو
یہ دل بر سے بھی اس کی دل ربائی چھین لیتا ہے