ग़ुनूद-ए-आलम-ए-इम्कान में कहाँ हो जाऊँ
जहाँ से हुक्म मिला है मियाँ वहाँ हो जाऊँ
मिरे वजूद को तरतीब से रखा हुआ है
मैं इस लिबास से निकलूँ तो राएगाँ हो जाऊँ
शिकस्ता-ख़्वाब की दीवार पर रखा हुआ तू
अगर चराग़ समझ लो तो बद-गुमाँ हो जाऊँ
सुकूत एक तरफ़ शोर इक तरफ़ रख के
लकीर खींच के दोनों के दरमियाँ हो जाऊँ
अगर ख़ुदा ने मुझे इख़्तियार सौंप दिया
ज़मीन ख़ुद पे लपेटूँ और आसमाँ हो जाऊँ
तमाम रौशनी साँचे में क़ैद करते वक़्त
मैं इतना तेज़ सा चमकूँ कि शम्अ-दाँ हो जाऊँ
अजब जुनून ने सफ़्हे पे आ लिया है मुझे
फ़साना लिखते हुए ख़ुद कहानियाँ हो जाऊँ
हम एक साथ जलें आग में मगर यूँ हो
कि तुम तो वैसे रहो और मैं धुआँ हो जाऊँ
मैं वैसे शे'र हूँ वो भी दक़ीक़ लफ़्ज़ों का
क्या तेरे वास्ते सादा-बयानीयाँ हो जाऊँ
gunūd-e-ālam-e-imkān meñ kahāñ ho jā.ūñ
jahāñ se hukm milā hai miyāñ vahāñ ho jā.ūñ
mire vajūd ko tartīb se rakhā huā hai
maiñ is libās se niklūñ to rā.egāñ ho jā.ūñ
shikasta-ḳhvāb kī dīvār par rakhā huā tū
agar charāġh samajh lo to bad-gumāñ ho jā.ūñ
sukūt ek taraf shor ik taraf rakh ke
lakīr khīñch ke donoñ ke darmiyāñ ho jā.ūñ
agar ḳhudā ne mujhe iḳhtiyār sauñp diyā
zamīn ḳhud pe lapeTūñ aur āsmāñ ho jā.ūñ
tamām raushnī sāñche meñ qaid karte vaqt
maiñ itnā tez sā chamkūñ ki sham.a-dāñ ho jā.ūñ
ajab junūn ne safhe pe aa liyā hai mujhe
fasāna likhte hue ḳhud kahāniyāñ ho jā.ūñ
ham ek saath jaleñ aag meñ magar yuuñ ho
ki tum to vaise raho aur maiñ dhuāñ ho jā.ūñ
maiñ vaise sher huuñ vo bhī daqīq lafzoñ kā
kyā tere vāste sāda-bayāniyāñ ho jā.ūñ
غنود عالم امکان میں کہاں ہو جاؤں
جہاں سے حکم ملا ہے میاں وہاں ہو جاؤں
مرے وجود کو ترتیب سے رکھا ہوا ہے
میں اس لباس سے نکلوں تو رائیگاں ہو جاؤں
شکستہ خواب کی دیوار پر رکھا ہوا تو
اگر چراغ سمجھ لو تو بد گماں ہو جاؤں
سکوت ایک طرف شور اک طرف رکھ کے
لکیر کھینچ کے دونوں کے درمیاں ہو جاؤں
اگر خدا نے مجھے اختیار سونپ دیا
زمین خود پہ لپیٹوں اور آسماں ہو جاؤں
تمام روشنی سانچے میں قید کرتے وقت
میں اتنا تیز سا چمکوں کہ شمع داں ہو جاؤں
عجب جنون نے صفحے پہ آ لیا ہے مجھے
فسانہ لکھتے ہوئے خود کہانیاں ہو جاؤں
ہم ایک ساتھ جلیں آگ میں مگر یوں ہو
کہ تم تو ویسے رہو اور میں دھواں ہو جاؤں
میں ویسے شعر ہوں وہ بھی دقیق لفظوں کا
کیا تیرے واسطے سادہ بیانیاں ہو جاؤں