गुफ़्तुगू हम रू-ब-रू उन के न कर पाए बहुत
यूँ तो आते थे सुख़न के हम को पैराए बहुत
ज़िंदगी की धूप में जब दूर तक जाना पड़ा
याद आए तेरी ज़ुल्फ़ों के घने साए बहुत
हो सका फिर भी न उस के हुस्न-ए-रंगीं का बयाँ
शहर-फ़िक्र-ओ-फ़न से तशबीहात हम लाए बहुत
मैं ने इक हक़ बात कह दी थी ख़िलाफ़-ए-मस्लहत
तब से सुनता हूँ ख़फ़ा हैं मेरे हम-साए बहुत
उन को जाने किस ने भेजा था पयाम-ए-सैर-ए-गुल
बाग़ में उड़ कर परिंदे दूर से आए बहुत
तेरी क़िस्मत में तही-दामाँ ही रहना था 'क़दीर'
वर्ना उस ने अंजुमन में फूल बरसाए बहुत
guftugū ham rū-ba-rū un ke na kar paa.e bahut
yuuñ to aate the suḳhan ke ham ko pairā.e bahut
zindagī kī dhuup meñ jab duur tak jaanā paḌā
yaad aa.e terī zulfoñ ke ghane saa.e bahut
ho sakā phir bhī na us ke husn-e-rañgīñ kā bayāñ
shahr-e-fikr-o-fan se tashbīhāt ham laa.e bahut
maiñ ne ik haq baat kah dī thī ḳhilāf-e-maslahat
tab se suntā huuñ ḳhafā haiñ mere ham-sā.e bahut
un ko jaane kis ne bhejā thā payām-e-sair-e-gul
baaġh meñ uḌ kar parinde duur se aa.e bahut
terī qismat meñ tahī-dāmāñ hī rahnā thā 'qadīr'
varna us ne anjuman meñ phuul barsā.e bahut
گفتگو ہم روبرو ان کے نہ کر پائے بہت
یوں تو آتے تھے سخن کے ہم کو پیرائے بہت
زندگی کی دھوپ میں جب دور تک جانا پڑا
یاد آئے تیری زلفوں کے گھنے سائے بہت
ہو سکا پھر بھی نہ اس کے حسن رنگیں کا بیاں
شہر فکر و فن سے تشبیہات ہم لائے بہت
میں نے اک حق بات کہہ دی تھی خلاف مصلحت
تب سے سنتا ہوں خفا ہیں میرے ہم سایے بہت
ان کو جانے کس نے بھیجا تھا پیام سپر گل
باغ میں اڑ کر پرندے دور سے آئے بہت
تیری قسمت میں تہی داماں ہی رہنا تھا قدیرؔ
ورنہ اس نے انجمن میں پھول برسائے بہت