गोरी अब तू आप समझ ले हम साजन या दुश्मन हैं
गोरी तू है जिस्म हमारा हम तेरा पैराहन हैं
नगरी नगरी घूम रहे हैं सख़ियो अच्छा मौक़ा' है
रूप-सरूप की भिक्षा दे दो हम तो फैला दामन हैं
तेरे चाकर हो कर पाया दर्द बहुत रुस्वाई बहुत
तुझ से थे ये टके कमाए आज तुझी को अर्पण हैं
लोगो मैले तन मन धन की हम को सख़्त मनाही है
लोगो हम इस छूत से भागें हम तो खरे बरहमन हैं
पूछो खेल बनाने वाले पूछो खेलने वाले से
हम क्या जानें किस की बाज़ी हम जो पत्ते बावन हैं
सहरा से जो फूल चुने थे उन से रूह मो'अत्तर है
अब जो ख़ार समेटा चाहें बस्ती बस्ती गुलशन हैं
दो दो बूँद को अपनी खेती तरसी है और तरसेगी
कहने को तो दोस्त हमारे भादों हैं और सावन हैं
gorī ab tū aap samajh le ham sājan yā dushman haiñ
gorī tū hai jism hamārā ham terā pairāhan haiñ
nagrī nagrī ghuum rahe haiñ saḳhiyo achchhā mauqa' hai
rūp-sarūp kī bhikshā de do ham to phailā dāman haiñ
tere chākar ho kar paayā dard bahut rusvā.ī bahut
tujh se the ye Take kamā.e aaj tujhī ko arpan haiñ
logo maile tan man dhan kī ham ko saḳht manāhī hai
logo ham is chhūt se bhāgeñ ham to khare barahman haiñ
pūchho khel banāne vaale pūchho khelne vaale se
ham kyā jāneñ kis kī baazī ham jo patte bāvan haiñ
sahrā se jo phuul chune the un se ruuh mo'attar hai
ab jo ḳhaar sameTā chāheñ bastī bastī gulshan haiñ
do do buuñd ko apnī khetī tarsī hai aur tarsegī
kahne ko to dost hamāre bhādoñ haiñ aur sāvan haiñ
گوری اب تْو آپ سمجھ لے ہم ساجن یا دشمن ہیں
گوری تو ہے جسم ہمارا ہم تیرا پیراہن ہیں
نگری نگری گھوم رہے ہیں سخیو اچھا موقع ہے
روپ سروپ کی بھکشا دے دو ہم تو پھیلا دامن ہیں
تیرے چاکر ہو کر پایا درد بہت رسوائی بہت
تجھ سے تھے یہ ٹکے کمائے آج تجھی کو ارپن ہیں
لوگو میلے تن من دھن کی ہم کو سخت مناہی ہے
لوگو ہم اس چھوت سے بھاگیں ہم تو کھرے برہمن ہیں
پوچھو کھیل بنانے والے پوچھو کھیلنے والے سے
ہم کیا جانیں کس کی بازی ہم جو پتے باون ہیں
صحرا سے جو پھول چنے تھے ان سے روح معطر ہے
اب جو خار سمیٹا چاہیں بستی بستی گلشن ہیں
دو دو بوند کو اپنی کھیتی ترسی ہے اور ترسے گی
کہنے کو تو دوست ہمارے بھادوں ہیں اور ساون ہیں