ग़म-ब-दिल शुक्र-ब-लब मस्त ओ ग़ज़ल-ख़्वाँ चलिए
जब तिलक साथ तिरे उम्र-ए-गुरेज़ाँ चलिए
रहमत-ए-हक़ से जो इस सम्त कभी राह मिले
सू-ए-जन्नत भी ब-राह-ए-रह-ए-जानाँ चलिए
नज़्र माँगे जो गुलिस्ताँ से ख़ुदा-वन्द-ए-जहाँ
साग़र-ए-मय में लिए ख़ून-ए-बहाराँ चलिए
जब सताने लगे बे-रंगी-ए-दीवार-ए-जहाँ
नक़्श करने कोई तस्वीर-ए-हसीनाँ चलिए
कुछ भी हो आईना-ए-दिल को मुसफ़्फ़ा रखिए
जो भी गुज़रे मसल-ए-ख़ुसरव-ए-दौराँ चलिए
इम्तिहाँ जब भी हो मंज़ूर जिगर-दारों का
महफ़िल-ए-यार में हम-राह-ए-रक़ीबाँ चलिए
ġham-ba-dil shukr-ba-lab mast o ġhazal-ḳhvāñ chaliye
jab tilak saath tire umr-e-gurezāñ chaliye
rahmat-e-haq se jo is samt kabhī raah mile
sū-e-jannat bhī ba-rāh-e-rah-e-jānāñ chaliye
nazr māñge jo gulistāñ se ḳhudā-vand-e-jahāñ
sāġhar-e-mai meñ liye ḳhūn-e-bahārāñ chaliye
jab satāne lage be-rañgi-e-dīvār-e-jahāñ
naqsh karne koī tasvīr-e-hasīnāñ chaliye
kuchh bhī ho ā.īna-e-dil ko musaffā rakhiye
jo bhī guzre masal-e-ḳhusrav-e-daurāñ chaliye
imtihāñ jab bhī ho manzūr jigar-dāroñ kā
mahfil-e-yār meñ ham-rāh-e-raqībāñ chaliye
غم بہ دل شکر بہ لب مست و غزل خواں چلیے
جب تلک ساتھ ترے عمر گریزاں چلیے
رحمت حق سے جو اس سمت کبھی راہ ملے
سوئے جنت بھی براہ رہ جاناں چلیے
نذر مانگے جو گلستاں سے خداوند جہاں
ساغر مے میں لیے خون بہاراں چلیے
جب ستانے لگے بے رنگئ دیوار جہاں
نقش کرنے کوئی تصویر حسیناں چلیے
کچھ بھی ہو آئینۂ دل کو مصفا رکھیے
جو بھی گزرے مثل خسرو دوراں چلیے
امتحاں جب بھی ہو منظور جگر داروں کا
محفل یار میں ہمراہ رقیباں چلیے