फ़िक्र-ए-दिलदारी-ए-गुलज़ार करूँ या न करूँ
ज़िक्र-ए-मुर्ग़ान-ए-गिरफ़्तार करूँ या न करूँ
क़िस्सा-ए-साज़िश-ए-अग़्यार कहूँ या न कहूँ
शिकवा-ए-यार-ए-तरह-दार करूँ या न करूँ
जाने क्या वज़्अ है अब रस्म-ए-वफ़ा की ऐ दिल
वज़-ए-देरीना पे इसरार करूँ या न करूँ
जाने किस रंग में तफ़्सीर करें अहल-ए-हवस
मदह-ए-ज़ुल्फ़-ओ-लब-ओ-रुख़्सार करूँ या न करूँ
यूँ बहार आई है इमसाल कि गुलशन में सबा
पूछती है गुज़र इस बार करूँ या न करूँ
गोया इस सोच में है दिल में लहू भर के गुलाब
दामन ओ जेब को गुलनार करूँ या न करूँ
है फ़क़त मुर्ग़-ए-गज़ल-ख़्वाँ कि जिसे फ़िक्र नहीं
मो'तदिल गर्मी-ए-गुफ़्तार करूँ या न करूँ
fikr-e-dildāri-e-gulzār karūñ yā na karūñ
zikr-e-murġhān-e-giraftār karūñ yā na karūñ
qissa-e-sāzish-e-aġhyār kahūñ yā na kahūñ
shikva-e-yār-e-tarah-dār karūñ yā na karūñ
jaane kyā vaz.a hai ab rasm-e-vafā kī ai dil
vaz-e-derīna pe isrār karūñ yā na karūñ
jaane kis rañg meñ tafsīr kareñ ahl-e-havas
mad.h-e-zulf-o-lab-o-ruḳhsār karūñ yā na karūñ
yuuñ bahār aa.ī hai imsāl ki gulshan meñ sabā
pūchhtī hai guzar is baar karūñ yā na karūñ
goyā is soch meñ hai dil meñ lahū bhar ke gulāb
dāman o jeb ko gulnār karūñ yā na karūñ
hai faqat murġh-e-ġhazal-ḳhvāñ ki jise fikr nahīñ
mo.atadil garmi-e-guftār karūñ yā na karūñ
فکر دل دارئ گلزار کروں یا نہ کروں
ذکر مرغان گرفتار کروں یا نہ کروں
قصۂ سازش اغیار کہوں یا نہ کہوں
شکوۂ یار طرحدار کروں یا نہ کروں
جانے کیا وضع ہے اب رسم وفا کی اے دل
وضع دیرینہ پہ اصرار کروں یا نہ کروں
جانے کس رنگ میں تفسیر کریں اہل ہوس
مدح زلف و لب و رخسار کروں یا نہ کروں
یوں بہار آئی ہے امسال کہ گلشن میں صبا
پوچھتی ہے گزر اس بار کروں یا نہ کروں
گویا اس سوچ میں ہے دل میں لہو بھر کے گلاب
دامن و جیب کو گلنار کروں یا نہ کروں
ہے فقط مرغ غزل خواں کہ جسے فکر نہیں
معتدل گرمئ گفتار کروں یا نہ کروں