फ़सील-ए-रेग पर इतना भरोसा कर लिया तुम ने
छतें भी डाल दीं और वा दरीचा कर लिया तुम ने
तअ'ज्जुब है इबादत में भी ऐसा कर लिया तुम ने
नहीं दिल को झुकाया और सज्दा कर लिया तुम ने
कभी माना शरीअ'त की कभी इस से रहे आजिज़
मगर दावा कि दिल अल्लाह वाला कर लिया तुम ने
मोहब्बत प्यार हमदर्दी सभी को रख दिया गिरवी
हुसूल-ए-ऐश की ख़ातिर जो चाहा कर लिया तुम ने
समेटा ज़िंदगी भर काली गोरी जेब की रौनक़
ढला जब उम्र का सूरज तो तौबा कर लिया तुम ने
तहारत की तमन्ना है न दिल में हक़-पसंदी है
मगर मासूम चेहरा और लबादा कर लिया तुम ने
गराँ-माया अमानत थी उसे महफ़ूज़ रखना था
'वली' पाकीज़ा तहज़ीबों का सौदा कर लिया तुम ने
fasīl-e-reg par itnā bharosa kar liyā tum ne
chhateñ bhī Daal diiñ aur vā darīcha kar liyā tum ne
ta.ajjub hai ibādat meñ bhī aisā kar liyā tum ne
nahīñ dil ko jhukāyā aur sajda kar liyā tum ne
kabhī maanā sharī.at kī kabhī is se rahe aajiz
magar da.avā ki dil allāh vaalā kar liyā tum ne
mohabbat pyaar hamdardī sabhī ko rakh diyā girvī
husūl-e-aish kī ḳhātir jo chāhā kar liyā tum ne
sameTā zindagī bhar kaalī gorī jeb kī raunaq
Dhalā jab umr kā sūraj to tauba kar liyā tum ne
tahārat kī tamannā hai na dil meñ haq-pasandī hai
magar ma.asūm chehra aur labāda kar liyā tum ne
garāñ-māya amānat thī use mahfūz rakhnā thā
'valī' pākīza tahzīboñ kā saudā kar liyā tum ne
فصیل ریگ پر اتنا بھروسہ کر لیا تم نے
چھتیں بھی ڈال دیں اور وا دریچہ کر لیا تم نے
تعجب ہے عبادت میں بھی ایسا کر لیا تم نے
نہیں دل کو جھکایا اور سجدہ کر لیا تم نے
کبھی مانا شریعت کی کبھی اس سے رہے عاجز
مگر دعویٰ کہ دل اللہ والا کر لیا تم نے
محبت پیار ہمدردی سبھی کو رکھ دیا گروی
حصول عیش کی خاطر جو چاہا کر لیا تم نے
سمیٹا زندگی بھر کالی گوری جیب کی رونق
ڈھلا جب عمر کا سورج تو توبہ کر لیا تم نے
طہارت کی تمنا ہے نہ دل میں حق پسندی ہے
مگر معصوم چہرہ اور لبادہ کر لیا تم نے
گراں مایہ امانت تھی اسے محفوظ رکھنا تھا
ولیؔ پاکیزہ تہذیبوں کا سودا کر لیا تم نے