दूर तक दश्त में उजाला है
जाने किस क़हर का हवाला है
फिर उगलने लगी है आग ज़मीं
फिर कोई क़त्ल होने वाला है
शहर-ए-ख़ुश-बख़्त का मकीं हूँ मगर
गिर्द मेरे ग़मों का हाला है
दिल ने ग़म का अलाव लफ़्ज़ों में
किस महारत से आज ढाला है
जुर्म सरज़द हुआ था आदम से
मुझ को जन्नत से क्यूँ निकाला है
तेरी इक आरज़ू ने लोगों को
किस क़दर उलझनों में डाला है
इक सज़ा-याफ़्ता-ए-इश्क़ ने आज
मंसब-ए-इश्क़ फिर सँभाला है
फिर 'ख़याल'-ए-सितम-ज़दा में कोई
ख़ुश्बू-अंगेज़ मिस्ल-ए-लाला है
duur tak dasht meñ ujālā hai
jaane kis qahr kā havāla hai
phir ugalne lagī hai aag zamīñ
phir koī qatl hone vaalā hai
shahr-e-ḳhush-baḳht kā makīñ huuñ magar
gird mere ġhamoñ kā haala hai
dil ne ġham kā alaav lafzoñ meñ
kis mahārat se aaj Dhālā hai
jurm sarzad huā thā aadam se
mujh ko jannat se kyuuñ nikālā hai
terī ik aarzū ne logoñ ko
kis qadar uljhanoñ meñ Daalā hai
ik sazā-yāfta-e-ishq ne aaj
mansab-e-ishq phir sambhālā hai
phir 'ḳhayāl'-e-sitam-zada meñ koī
ḳhushbū-añgez misl-e-lāla hai
دور تک دشت میں اجالا ہے
جانے کس قہر کا حوالہ ہے
پھر اگلنے لگی ہے آگ زمیں
پھر کوئی قتل ہونے والا ہے
شہر خوش بخت کا مکیں ہوں مگر
گرد میرے غموں کا ہالہ ہے
دل نے غم کا الاؤ لفظوں میں
کس مہارت سے آج ڈھالا ہے
جرم سرزد ہوا تھا آدم سے
مجھ کو جنت سے کیوں نکالا ہے
تیری اک آرزو نے لوگوں کو
کس قدر الجھنوں میں ڈالا ہے
اک سزا یافتۂ عشق نے آج
منصب عشق پھر سنبھالا ہے
پھر خیالؔ ستم زدہ میں کوئی
خوشبو انگیز مثل لالہ ہے