आज वीरानियों में मिरा दिल नया सिलसिला चाहता है
शाम ढलने को है ज़िंदगी की ख़ुदा और क्या चाहता है
धूप की निय्यतों में भड़कने लगे नफ़रतों के अलाव
ऐ घटा इस लिए तुझ को मेरा बदन ओढ़ना चाहता है
नींद की राहतों से नहीं मुतमइन सिलसिला धड़कनों का
फिर दिल-ए-ज़ार रानाइयों में गुँधा रतजगा चाहता है
तेरी नज़दीकियों को पहन के मैं शहज़ादा लगने लगा हूँ
छू के रंगीनियाँ अब के देखूँ तिरी जी, बड़ा चाहता है
परवरिश हौसलों की तमाम उम्र मेरे लहू ने ख़मोशी से की
अब जुनूँ अक्स को देखने के लिए आईना चाहता है
जो हथेली की सारी पुरानी लकीरों को तब्दील कर दे
ऐसा ख़ुश-रंग हर आदमी अब यहाँ सानेहा चाहता है
तुम समुंदर के सहमे हुए जोश को मेरा पैग़ाम देना
मौसम-ए-हब्स में फिर कोई आज ताज़ा हवा चाहता है
उम्र भर आँसुओं से जो धोता रहा चेहरा महरूमियों का
वो तिरी रहमतों से मिरे मौला अब के जज़ा चाहता है
नाज़ था जिस को मेरी रिफ़ाक़त के हर लम्हा-ए-मुख़्तसर पर
आज महसूस ऐसा हुआ है कि वो फ़ासला चाहता है
aaj vīrāniyoñ meñ mirā dil nayā silsila chāhtā hai
shaam Dhalne ko hai zindagī kī ḳhudā aur kyā chāhtā hai
dhuup kī niyyatoñ meñ bhaḌakne lage nafratoñ ke alaav
ai ghaTā is liye tujh ko merā badan oḌhnā chāhtā hai
niiñd kī rāhatoñ se nahīñ mutma.in silsila dhaḌkanoñ kā
phir dil-e-zār ra.anā.iyoñ meñ guñdhā ratjagā chāhtā hai
terī nazdīkiyoñ ko pahan ke maiñ shahzāda lagne lagā huuñ
chhū ke rañgīniyāñ ab ke dekhūñ tirī jii, baḌā chāhtā hai
parvarish hausloñ kī tamām umr mere lahū ne ḳhamoshī se kī
ab junūñ aks ko dekhne ke liye ā.īna chāhtā hai
jo hathelī kī saarī purānī lakīroñ ko tabdīl kar de
aisā ḳhush-rañg har aadmī ab yahāñ sāneha chāhtā hai
tum samundar ke sahme hue josh ko merā paiġhām denā
mausam-e-habs meñ phir koī aaj taaza havā chāhtā hai
umr bhar āñsuoñ se jo dhotā rahā chehra mahrūmiyoñ kā
vo tirī rahmatoñ se mire maulā ab ke jazā chāhtā hai
naaz thā jis ko merī rifāqat ke har lamha-e-muḳhtasar par
aaj mahsūs aisā huā hai ki vo fāsla chāhtā hai
آج ویرانیوں میں مرا دل نیا سلسلہ چاہتا ہے
شام ڈھلنے کو ہے زندگی کی خدا اور کیا چاہتا ہے
دھوپ کی نیتوں میں بھڑکنے لگے نفرتوں کے الاؤ
اے گھٹا اس لیے تجھ کو میرا بدن اوڑھنا چاہتا ہے
نیند کی راحتوں سے نہیں مطمئن سلسلہ دھڑکنوں کا
پھر دل زار رعنائیوں میں گندھا رتجگا چاہتا ہے
تیری نزدیکیوں کو پہن کے میں شہزادہ لگنے لگا ہوں
چھو کے رنگینیاں اب کے دیکھوں تری، جی بڑا چاہتا ہے
پرورش حوصلوں کی تمام عمر میرے لہو نے خموشی سے کی
اب جنوں عکس کو دیکھنے کے لیے آئینہ چاہتا ہے
جو ہتھیلی کی ساری پرانی لکیروں کو تبدیل کر دے
ایسا خوش رنگ ہر آدمی اب یہاں سانحہ چاہتا ہے
تم سمندر کے سہمے ہوئے جوش کو میرا پیغام دینا
موسم حبس میں پھر کوئی آج تازہ ہوا چاہتا ہے
عمر بھر آنسوؤں سے جو دھوتا رہا چہرہ محرومیوں کا
وہ تری رحمتوں سے مرے مولا اب کے جزا چاہتا ہے
ناز تھا جس کو میری رفاقت کے ہر لمحۂ مختصر پر
آج محسوس ایسا ہوا ہے کہ وہ فاصلہ چاہتا ہے