दिल सी चीज़ के गाहक होंगे दो या एक हज़ार के बीच
'इंशा' जी क्या माल लिए बैठे हो तुम बाज़ार के बीच
पीना-पिलाना 'ऐन गुनह है जी का लगाना 'ऐन हवस
आप की बातें सब सच्ची हैं लेकिन भरी बहार के बीच
ऐ सख़ियो ऐ ख़ुश-नज़रो यक गूना करम ख़ैरात करो
नारा-ज़नाँ कुछ लोग फिरें हैं सुब्ह से शहर-ए-निगार के बीच
ख़ार-ओ-ख़स-ओ-ख़ाशाक तो जानें एक तुझी को ख़बर न मिले
ऐ गुल-ए-ख़ूबी हम तो 'अबस बदनाम हुए गुलज़ार के बीच
मिन्नत-ए-क़ासिद कौन उठाए शिकवा-ए-दरबाँ कौन करे
नामा-ए-शौक़ ग़ज़ल की सूरत छपने को दो अख़बार के बीच
dil sī chiiz ke gāhak hoñge do yā ek hazār ke biich
'inshā' jī kyā maal liye baiThe ho tum bāzār ke biich
pīnā-pilānā 'ain gunah hai jī kā lagānā 'ain havas
aap kī bāteñ sab sachchī haiñ lekin bharī bahār ke biich
ai saḳhiyo ai ḳhush-nazro yak guuna karam ḳhairāt karo
na.ara-zanāñ kuchh log phireñ haiñ sub.h se shahr-e-nigār ke biich
ḳhār-o-ḳhas-o-ḳhāshāk to jāneñ ek tujhī ko ḳhabar na mile
ai gul-e-ḳhūbī ham to 'abas badnām hue gulzār ke biich
minnat-e-qāsid kaun uThā.e shikva-e-darbāñ kaun kare
nāma-e-shauq ġhazal kī sūrat chhapne ko do aḳhbār ke biich
دل سی چیز کے گاہک ہوں گے دو یا ایک ہزار کے بیچ
انشاؔ جی کیا مال لیے بیٹھے ہو تم بازار کے بیچ
پینا پلانا عین گنہ ہے جی کا لگانا عین ہوس
آپ کی باتیں سب سچی ہیں لیکن بھری بہار کے بیچ
اے سخیو اے خوش نظرو یک گونہ کرم خیرات کرو
نعرہ زناں کچھ لوگ پھریں ہیں صبح سے شہر نگار کے بیچ
خار و خس و خاشاک تو جانیں ایک تجھی کو خبر نہ ملے
اے گل خوبی ہم تو عبث بدنام ہوئے گلزار کے بیچ
منت قاصد کون اٹھائے شکوہ درباں کون کرے
نامۂ شوق غزل کی صورت چھپنے کو دو اخبار کے بیچ