दिल हमारा गौहर-ए-ग़लतान-ए-बहर-ए-इश्क़ है
दम हमारा शोरिश-ए-तूफ़ान-ए-बहर-ए-इश्क़ है
डूब जाता है दिल उस की मौज-ए-बेताबी कूँ देख
बे-तरह ऐ बुल-हवस उन्वान-ए-बहर-ए-इश्क़ है
अश्क ने गिर्दाब बाँधा है हमारे आस-पास
क्यूँकि निकला जाए ये ज़िंदान-ए-बहर-ए-इश्क़ है
दिल डूबाना इश्क़ के दरिया का हैगा इब्तिदा
ग़र्क़ करना जान को पायान-ए-बहर-ए-इश्क़ है
सीपी आँखें अश्क मोती दिल है मर्जां मछली आह
हम हैं 'आजिज़' क्या बला सामान-ए-बहर-ए-इश्क़ है
dil hamārā gauhar-e-ġhaltān-e-bahr-e-ishq hai
dam hamārā shorish-e-tūfān-e-bahr-e-ishq hai
Duub jaatā hai dil us kī mauj-e-betābi kuuñ dekh
be-tarah ai bul-havas unvān-e-bahr-e-ishq hai
ashk ne girdāb bāñdhā hai hamāre ās-pās
kyūñki niklā jaa.e ye zindān-e-bahr-e-ishq hai
dil Dūbānā ishq ke dariyā kā haigā ibtidā
ġharq karnā jaan ko pāyān-e-bahr-e-ishq hai
siipī āñkheñ ashk motī dil hai marjāñ machhlī aah
ham haiñ 'ājiz' kyā balā sāmān-e-bahr-e-ishq hai
دل ہمارا گوہر غلطان بحر عشق ہے
دم ہمارا شورش طوفان بحر عشق ہے
ڈوب جاتا ہے دل اس کی موج بیتابی کوں دیکھ
بے طرح اے بوالہوس عنوان بحر عشق ہے
اشک نے گرداب باندھا ہے ہمارے آس پاس
کیونکہ نکلا جائے یہ زندان بحر عشق ہے
دل ڈوبانا عشق کے دریا کا ہے گا ابتدا
غرق کرنا جان کو پایان بحر عشق ہے
سیپی آنکھیں اشک موتی دل ہے مرجاں مچھلی آہ
ہم ہیں عاجزؔ کیا بلا سامان بحر عشق ہے