दराज़-क़ामत दराज़-गेसू अजीब सा इक निगार था वो
गुलों की बाग उस के हाथ में थी हवाओं पर जब सवार था वो
जुनूँ था बन कर लहू रगों में कि रात दिन दौड़ते थे लम्हे
थके न थे वो जो रुक गए थे मिरे लिए बे-क़रार था वो
मिरे ख़ुदा हुस्न के दफ़ीने को मत ख़ज़ाने का मर्तबा दे
कि पा के जो उस को ख़ुश बहुत था गँवा के कल अश्क-बार था वो
उबल पड़े नफ़रतों के सोते कि हो गई ख़ुश्क झील ग़म की
शिकस्त-ख़ुर्दा सा मुँह छुपाए न जाने किस का शिकार था वो
कभी कभी जो सुना गया था कहीं कहीं जो पढ़ा गया था
किताब में बंद हो चुका है इक उम्र का शाहकार था वो
वो दोस्तों दुश्मनों का प्यारा फिरा तमाम उम्र मारा मारा
सुना है कल ग़म ने मार डाला कि जिस का देरीना यार था वो
अजीब राही था रेग-ज़ारों में प्यास लम्हों की बो रहा था
मगर चट्टानों से गिर रहा था कि शब में इक आबशार था वो
darāz-qāmat darāz-gesū ajiib sā ik nigār thā vo
guloñ kī baag us ke haath meñ thī havāoñ par jab savār thā vo
junūñ thā ban kar lahū ragoñ meñ ki raat din dauḌte the lamhe
thake na the vo jo ruk ga.e the mire liye be-qarār thā vo
mire ḳhudā husn ke dafīne ko mat ḳhazāne kā martaba de
ki pā ke jo us ko ḳhush bahut thā gañvā ke kal ashk-bār thā vo
ubal paḌe nafratoñ ke sote ki ho ga.ī ḳhushk jhiil ġham kī
shikast-ḳhurda sā muñh chhupā.e na jaane kis kā shikār thā vo
kabhī kabhī jo sunā gayā thā kahīñ kahīñ jo paḌhā gayā thā
kitāb meñ band ho chukā hai ik umr kā shāhkār thā vo
vo dostoñ dushmanoñ kā pyārā phirā tamām umr maarā maarā
sunā hai kal ġham ne maar Daalā ki jis kā derīna yaar thā vo
ajiib raahī thā reg-zāroñ meñ pyaas lamhoñ kī bo rahā thā
magar chaTTānoñ se gir rahā thā ki shab meñ ik ābshār thā vo
دراز قامت دراز گیسو عجیب سا اک نگار تھا وہ
گلوں کی باگ اس کے ہاتھ میں تھی ہواؤں پر جب سوار تھا وہ
جنوں تھا بن کر لہو رگوں میں کہ رات دن دوڑتے تھے لمحے
تھکے نہ تھے وہ جو رک گئے تھے مرے لئے بیقرار تھا وہ
مرے خدا حسن کے دفینے کو مت خزانے کا مرتبہ دے
کہ پا کے جو اس کو خوش بہت تھا گنوا کے کل اشک بار تھا وہ
ابل پڑے نفرتوں کے سوتے کہ ہو گئی خشک جھیل غم کی
شکست خوردہ سا منہ چھپائے نہ جانے کس کا شکار تھا وہ
کبھی کبھی جو سنا گیا تھا کہیں کہیں جو پڑھا گیا تھا
کتاب میں بند ہو چکا ہے اک عمر کا شاہکار تھا وہ
وہ دوستوں دشمنوں کا پیارا پھرا تمام عمر مارا مارا
سنا ہے کل غم نے مار ڈالا کہ جس کا دیرینہ یار تھا وہ
عجیب راہی تھا ریگ زاروں میں پیاس لمحوں کی بو رہا تھا
مگر چٹانوں سے گر رہا تھا کہ شب میں اک آبشار تھا وہ