छुपा है कर्ब-ए-मुसलसल हवा के लहजे में
कोई तो फूल खिलाए दु'आ के लहजे में
मैं उस की क़द्र करूँगा जो मेरे ऐबों को
मिरे ही मुँह पे कहे आश्ना के लहजे में
ज़माना आज भी क़ासिर है ये समझने से
सफ़र की बात हुई क्यूँ हवा के लहजे में
हमारे दर्द का अंदाज़ा उस को क्या होगा
कि अश्क होते नहीं हैं वफ़ा के लहजे में
है ए'तिराफ़ कि अक्सर उलझ पड़े जिस से
वो मेहरबान हुआ है दु'आ के लहजे में
मिरी नज़र में रहा है जो मोहतरम 'अंजुम'
वही है मुझ से मुख़ातब सज़ा के लहजे में
chhupā hai karb-e-musalsal havā ke lahje meñ
koī to phuul khilā.e du'ā ke lahje meñ
maiñ us kī qadr karūñgā jo mere aiboñ ko
mire hī muñh pe kahe āshnā ke lahje meñ
zamāna aaj bhī qāsir hai ye samajhne se
safar kī baat huī kyuuñ havā ke lahje meñ
hamāre dard kā andāza us ko kyā hogā
ki ashk hote nahīñ haiñ vafā ke lahje meñ
hai e'tirāf ki aksar ulajh paḌe jis se
vo mehrbān huā hai du'ā ke lahje meñ
mirī nazar meñ rahā hai jo mohtaram 'anjum'
vahī hai mujh se muḳhātab sazā ke lahje meñ
چھپا ہے کرب مسلسل ہوا کے لہجے میں
کوئی تو پھول کھلائے دعا کے لہجے میں
میں اس کی قدر کروں گا جو میرے عیبوں کو
مرے ہی منہ پہ کہے آشنا کے لہجے میں
زمانہ آج بھی قاصر ہے یہ سمجھنے سے
سفر کی بات ہوئی کیوں ہوا کے لہجے میں
ہمارے درد کا اندازہ اس کو کیا ہوگا
کہ اشک ہوتے نہیں ہیں وفا کے لہجے میں
ہے اعتراف کہ اکثر الجھ پڑے جس سے
وہ مہربان ہوا ہے دعا کے لہجے میں
مری نظر میں رہا ہے جو محترم انجمؔ
وہی ہے مجھ سے مخاطب سزا کے لہجے میں