चश्म-ए-ख़ुश-आब की तमसील नहीं हो सकती
ऐसी शफ़्फ़ाफ़ कोई झील नहीं हो सकती
मेरी फ़ितरत ही में शामिल है मोहब्बत करना
और फ़ितरत कभी तब्दील नहीं हो सकती
उस के दिल में मुझे इक जोत जगाना पड़ेगी
ख़ुद ही रौशन कोई क़िंदील नहीं हो सकती
सिक्का-ए-दाग़ ओ ज़र-ए-ग़म से भरा है मिरा दिल
देख ख़ाली मिरी ज़म्बील नहीं हो सकती
इस लिए शिद्दत-ए-सदमात में रो देता हूँ
मुझ से जज़्बात की तश्कील नहीं हो सकती
दुख तो ये है, वो मिरे दुख को समझता ही नहीं
उस तक एहसास की तर्सील नहीं हो सकती
छोड़ आया हूँ तिरा दफ़्तर-ए-दरबार-नुमा
अब तिरे हुक्म की तामील नहीं हो सकती
इस कसाफ़त की लताफ़त से भला क्या निस्बत?
तीरगी नूर में तहलील नहीं हो सकती
लाज़मी तो नहीं 'साहिर'! वो मुझे मिल जाए
यानी हर ख़्वाब की तकमील नहीं हो सकती
chashm-e-ḳhush-āb kī tamsīl nahīñ ho saktī
aisī shaffāf koī jhiil nahīñ ho saktī
merī fitrat hī meñ shāmil hai mohabbat karnā
aur fitrat kabhī tabdīl nahīñ ho saktī
us ke dil meñ mujhe ik jot jagānā paḌegī
ḳhud hī raushan koī qindīl nahīñ ho saktī
sikka-e-dāġh o zar-e-ġham se bharā hai mirā dil
dekh ḳhālī mirī zambīl nahīñ ho saktī
is liye shiddat-e-sadmāt meñ ro detā huuñ
mujh se jazbāt kī tashkīl nahīñ ho saktī
dukh to ye hai, vo mire dukh ko samajhtā hī nahīñ
us tak ehsās kī tarsīl nahīñ ho saktī
chhoḌ aayā huuñ tirā daftar-e-darbār-numā
ab tire hukm kī ta.amīl nahīñ ho saktī
is kasāfat kī latāfat se bhalā kyā nisbat?
tīrgī nuur meñ tahlīl nahīñ ho saktī
lāzmī to nahīñ 'sāhir'! vo mujhe mil jaa.e
ya.anī har ḳhvāb kī takmīl nahīñ ho saktī
چشم خوش آب کی تمثیل نہیں ہو سکتی
ایسی شفاف کوئی جھیل نہیں ہو سکتی
میری فطرت ہی میں شامل ہے محبت کرنا
اور فطرت کبھی تبدیل نہیں ہو سکتی
اس کے دل میں مجھے اک جوت جگانا پڑے گی
خود ہی روشن کوئی قندیل نہیں ہو سکتی
سکہ داغ و زر غم سے بھرا ہے مرا دل
دیکھ خالی مری زنبیل نہیں ہو سکتی
اس لیے شدت صدمات میں رو دیتا ہوں
مجھ سے جذبات کی تشکیل نہیں ہو سکتی
دکھ تو یہ ہے، وہ مرے دکھ کو سمجھتا ہی نہیں
اس تک احساس کی ترسیل نہیں ہو سکتی
چھوڑ آیا ہوں ترا دفتر دربار نما
اب ترے حکم کی تعمیل نہیں ہو سکتی
اس کثافت کی لطافت سے بھلا کیا نسبت؟
تیرگی نور میں تحلیل نہیں ہو سکتی
لازمی تو نہیں ساحرؔ! وہ مجھے مل جائے
یعنی ہر خواب کی تکمیل نہیں ہو سکتی