बात रुक रुक कर बढ़ी फिर हिचकियों में आ गई
फ़ोन पर जो हो न पाई चिट्ठियों में आ गई
सुब्ह दो ख़ामोशियों को चाय पीते देख कर
गुनगुनी सी धूप उतरी प्यालियों में आ गई
ट्रेन ओझल हो गई इक हाथ हिलता रह गया
वक़्त रुख़्सत की उदासी चूड़ियों में आ गई
अध-खिली रखी रही यूँ ही वो नॉवेल गोद में
उठ के पन्नों से कहानी सिसकियों में आ गई
चार दिन होने को आए काल इक आया नहीं
चुप्पी मोबाइल की अब बेचैनियों में आ गई
बाट जो है थक गई छत पर खड़ी जब दोपहर
शाम की चादर लपेटे खिड़कियों में आ गई
रात ने यादों की माचिस से निकाली तीलियाँ
और इक सिगरेट सुलगी उँगलियों में आ गई
baat ruk ruk kar baḌhī phir hichkiyoñ meñ aa ga.ī
phone par jo ho na paa.ī chiTThiyoñ meñ aa ga.ī
sub.h do ḳhāmoshiyoñ ko chaa.e piite dekh kar
gungunī sī dhuup utrī pyāliyoñ meñ aa ga.ī
train ojhal ho ga.ī ik haath hiltā rah gayā
vaqt ruḳhsat kī udāsī chūḌiyoñ meñ aa ga.ī
adh-khilī rakhī rahī yuuñ hī vo novel god meñ
uTh ke pannoñ se kahānī siskiyoñ meñ aa ga.ī
chaar din hone ko aa.e kaal ik aayā nahīñ
chuppī mobile kī ab bechainiyoñ meñ aa ga.ī
baaT jo hai thak ga.ī chhat par khaḌī jab dopahar
shaam kī chādar lapeTe khiḌkiyoñ meñ aa ga.ī
raat ne yādoñ kī māchis se nikālī tīliyāñ
aur ik cigarette sulgī uñgliyoñ meñ aa ga.ī
بات رک رک کر بڑھی پھر ہچکیوں میں آ گئی
فون پر جو ہو نہ پائی چٹھیوں میں آ گئی
صبح دو خاموشیوں کو چائے پیتے دیکھ کر
گنگنی سی دھوپ اتری پیالیوں میں آ گئی
ٹرین اوجھل ہو گئی اک ہاتھ ہلتا رہ گیا
وقت رخصت کی اداسی چوڑیوں میں آ گئی
ادھ کھلی رکھی رہی یوں ہی وہ ناول گود میں
اٹھ کے پنوں سے کہانی سسکیوں میں آ گئی
چار دن ہونے کو آئے کال اک آیا نہیں
چپی موبائل کی اب بے چینیوں میں آ گئی
باٹ جو ہے تھک گئی چھت پر کھڑی جب دوپہر
شام کی چادر لپیٹے کھڑکیوں میں آ گئی
رات نے یادوں کی ماچس سے نکالی تیلیاں
اور اک سگریٹ سلگی انگلیوں میں آ گئی