आलम-ए-ख़्वाब बहर-हाल सजाए रखिए
गर्दनें जाएँ मगर सर को बचाए रखिए
कोई तूफ़ान सर-ए-राह उठाए रखिए
सिलसिला हम से न मिलने का बनाए रखिए
कोई मौसम हो बहारों से बनाए रखिए
ख़ुश्क पत्तों पे कोई रंग चढ़ाए रखिए
इस सियह रात में इक सब्ज़ परी उतरेगी
ख़्वाब-ए-तिफ़्ली को बहर-हाल जगाए रखिए
प्यास जिस्मों की बुझा करती है यूँ भी अक्सर
एक तस्वीर सिरहाने में लगाए रखिए
वक़्त जाने कि ख़ुदा पहले भी था कोई यहाँ
नक़्श पत्थर पे फ़रिश्तों के बनाए रखिए
लफ़्ज़ के पास न भटकें ये हैं बेहिस पत्थर
दर्द-ए-एहसास के शीशे को बचाए रखिए
ताकि वीरानी इधर आए तो मायूस न हो
अपने दरवाज़ों को फूलों से सजाए रखिए
आज की रात 'नज़र' ज़ख़्म मिरे चमकेंगे
आज की रात चराग़ों को बुझाए रखिए
ālam-e-ḳhvāb bahar-hāl sajā.e rakhiye
gardaneñ jaa.eñ magar sar ko bachā.e rakhiye
koī tūfān sar-e-rāh uThā.e rakhiye
silsila ham se na milne kā banā.e rakhiye
koī mausam ho bahāroñ se banā.e rakhiye
ḳhushk pattoñ pe koī rang chaḌhā.e rakhiye
is siyah raat meñ ik sabz parī utregī
ḳhvāb-e-tiflī ko bahar-hāl jagā.e rakhiye
pyaas jismoñ kī bujhā kartī hai yuuñ bhī aksar
ek tasvīr sirhāne meñ lagā.e rakhiye
vaqt jaane ki ḳhudā pahle bhī thā koī yahāñ
naqsh patthar pe farishtoñ ke banā.e rakhiye
lafz ke paas na bhaTkeñ ye haiñ behis patthar
dard-e-ehsās ke shīshe ko bachā.e rakhiye
taaki vīrānī idhar aa.e to māyūs na ho
apne darvāzoñ ko phūloñ se sajā.e rakhiye
aaj kī raat 'nazar' zaḳhm mire chamkeñge
aaj kī raat charāġhoñ ko bujhā.e rakhiye
عالم خواب بہر حال سجائے رکھیے
گردنیں جائیں مگر سر کو بچائے رکھیے
کوئی طوفان سر راہ اٹھائے رکھیے
سلسلہ ہم سے نہ ملنے کا بنائے رکھیے
کوئی موسم ہو بہاروں سے بنائے رکھیے
خشک پتوں پہ کوئی رنگ چڑھائے رکھیے
اس سیہ رات میں اک سبز پری اترے گی
خواب طفلی کو بہر حال جگائے رکھیے
پیاس جسموں کی بجھا کرتی ہے یوں بھی اکثر
ایک تصویر سرہانے میں لگائے رکھیے
وقت جانے کہ خدا پہلے بھی تھا کوئی یہاں
نقش پتھر پہ فرشتوں کے بنائے رکھیے
لفظ کے پاس نہ بھٹکیں یہ ہیں بے حس پتھر
درد احساس کے شیشے کو بچائے رکھیے
تاکہ ویرانی ادھر آئے تو مایوس نہ ہو
اپنے دروازوں کو پھولوں سے سجائے رکھیے
آج کی رات نظرؔ زخم مرے چمکیں گے
آج کی رات چراغوں کو بجھائے رکھیے