ज़ेहन का कुछ मुंतशिर तो हाल का ख़स्ता रहा
कितना मेरी ज़ात से वो शख़्स वाबस्ता रहा
सुब्ह-ए-काज़िब रौशनी के जाल में आने लगी
सीम-गूँ सूरज उजाले पर कमर-बस्ता रहा
देखने में कुछ हूँ मैं महसूस करने में हूँ कुछ
चश्म-ए-बीना पर मिरा ये राज़ सर-बस्ता रहा
अपने ज़िंदाँ से निकलना अपनी ताक़त में नहीं
हर बशर अपने लिए ज़ंजीर पा-बस्ता रहा
पुर्सिश-ए-ग़म में न मुझ से ही महज़ उजलत हुई
उस की आँखों का छलक पड़ना भी बरजस्ता रहा
अपने अंदर की ख़लिश का कर लिया मैं ने इलाज
मेरे दिल में दूसरों का दर्द पैवस्ता रहा
या मसाइल से तक़ाबुल ज़िंदगी से या फ़रार
बच निकलने का वहाँ से एक ही रस्ता रहा
zehn kā kuchh muntashir to haal kā ḳhasta rahā
kitnā merī zaat se vo shaḳhs vābasta rahā
sub.h-e-kāzib raushnī ke jaal meñ aane lagī
sīm-gūñ sūraj ujāle par kamar-basta rahā
dekhne meñ kuchh huuñ maiñ mahsūs karne meñ huuñ kuchh
chashm-e-bīnā par mirā ye raaz sar-basta rahā
apne zindāñ se nikalnā apnī tāqat meñ nahīñ
har bashar apne liye zanjīr pā-basta rahā
pursish-e-ġham meñ na mujh se hī mahz ujlat huī
us kī āñkhoñ kā chhalak paḌnā bhī barjasta rahā
apne andar kī ḳhalish kā kar liyā maiñ ne ilaaj
mere dil meñ dūsroñ kā dard paivasta rahā
yā masā.il se taqābul zindagī se yā farār
bach nikalne kā vahāñ se ek hī rasta rahā
ذہن کا کچھ منتشر تو حال کا خستہ رہا
کتنا میری ذات سے وہ شخص وابستہ رہا
صبح کاذب روشنی کے جال میں آنے لگی
سیم گوں سورج اجالے پر کمر بستہ رہا
دیکھنے میں کچھ ہوں میں محسوس کرنے میں ہوں کچھ
چشم بینا پر مرا یہ راز سربستہ رہا
اپنے زنداں سے نکلنا اپنی طاقت میں نہیں
ہر بشر اپنے لیے زنجیر پابستہ رہا
پرسش غم میں نہ مجھ سے ہی محض عجلت ہوئی
اس کی آنکھوں کا چھلک پڑنا بھی برجستہ رہا
اپنے اندر کی خلش کا کر لیا میں نے علاج
میرے دل میں دوسروں کا درد پیوستہ رہا
یا مسائل سے تقابل زندگی سے یا فرار
بچ نکلنے کا وہاں سے ایک ہی رستہ رہا