ज़रा अंदाज़-ए-क़ज़ा अब के कड़ा लगता है
वो नया यार मिरा शोख़ बड़ा लगता है
कभी हमदर्द कभी दर्द-फ़ज़ा लगता है
वो सितम-गर है मगर होश-रुबा लगता है
बे-नियाज़ी तो है दस्तूर-ए-हसीनाँ लेकिन
वो हसीं हो के हसीनों से जुदा लगता है
कभी दीदार कराए कभी बातें कर ले
कभी गुफ़्तार से ख़ुद मुझ पे फ़िदा लगता है
कभी पैकान-ए-नज़र से मुझे घायल कर दे
कभी नज़रों से सरापा-ए-हया लगता है
कभी क़ुर्बान लगे तर्ज़-ए-तकल्लुम से वो
कभी मैं बात करूँ तो भी ख़फ़ा लगता है
सबब-ए-ज़ुल्मत-ए-दिल भी हैं उसी की यादें
मिरे दिल का वही ज़ौ-रेज़ दिया लगता है
मैं ने हर बार मोहब्बत में जफ़ा पाई है
मगर इस बार वो पाबंद-ए-वफ़ा लगता है
ये मिरी ख़ाम-ख़याली है हक़ीक़त ये है
वो भी क़ातिल है फ़क़त वार नया लगता है
यही अब राय-ए-ख़िरद है कि भुला दूँ उस को
जो कि अफ़्कार-ओ-तख़य्युल में बसा लगता है
वही अंजाम हुआ जिस से हिरासाँ था दिल
दिल-ए-मजरूह का हर ज़ख़्म खुला लगता है
zarā andāz-e-qazā ab ke kaḌā lagtā hai
vo nayā yaar mirā shoḳh baḌā lagtā hai
kabhī hamdard kabhī dard-fazā lagtā hai
vo sitam-gar hai magar hosh-rubā lagtā hai
be-niyāzī to hai dastūr-e-hasīnāñ lekin
vo hasīñ ho ke hasīnoñ se judā lagtā hai
kabhī dīdār karā.e kabhī bāteñ kar le
kabhī guftār se ḳhud mujh pe fidā lagtā hai
kabhī paikān-e-nazar se mujhe ghāyal kar de
kabhī nazroñ se sarāpā-e-hayā lagtā hai
kabhī qurbān lage tarz-e-takallum se vo
kabhī maiñ baat karūñ to bhī ḳhafā lagtā hai
sabab-e-zulmat-e-dil bhī haiñ usī kī yādeñ
mire dil kā vahī zau-rez diyā lagtā hai
maiñ ne har baar mohabbat meñ jafā paa.ī hai
magar is baar vo pāband-e-vafā lagtā hai
ye mirī ḳhām-ḳhayālī hai haqīqat ye hai
vo bhī qātil hai faqat vaar nayā lagtā hai
yahī ab rāy-e-ḳhirad hai ki bhulā duuñ us ko
jo ki afkār-o-taḳhayyul meñ basā lagtā hai
vahī anjām huā jis se hirāsāñ thā dil
dil-e-majrūh kā har zaḳhm khulā lagtā hai
ذرا انداز قضا اب کے کڑا لگتا ہے
وہ نیا یار مرا شوخ بڑا لگتا ہے
کبھی ہم درد کبھی درد فزا لگتا ہے
وہ ستم گر ہے مگر ہوش ربا لگتا ہے
بے نیازی تو ہے دستور حسیناں لیکن
وہ حسیں ہو کے حسینوں سے جدا لگتا ہے
کبھی دیدار کرائے کبھی باتیں کر لے
کبھی گفتار سے خود مجھ پہ فدا لگتا ہے
کبھی پیکان نظر سے مجھے گھائل کر دے
کبھی نظروں سے سراپائے حیا لگتا ہے
کبھی قربان لگے طرز تکلم سے وہ
کبھی میں بات کروں تو بھی خفا لگتا ہے
سبب ظلمت دل بھی ہیں اسی کی یادیں
مرے دل کا وہی ضو ریز دیا لگتا ہے
میں نے ہر بار محبت میں جفا پائی ہے
مگر اس بار وہ پابند وفا لگتا ہے
یہ مری خام خیالی ہے حقیقت یہ ہے
وہ بھی قاتل ہے فقط وار نیا لگتا ہے
یہی اب رائے خرد ہے کہ بھلا دوں اس کو
جو کہ افکار و تخیل میں بسا لگتا ہے
وہی انجام ہوا جس سے ہراساں تھا دل
دل مجروح کا ہر زخم کھلا لگتا ہے