ज़मीं से दूर रहे आसमाँ से दूर रहे
जो तुम थे पास तो सारे जहाँ से दूर रहे
जो अश्क-ए-ग़म मिज़ा-ए-ख़ूँ-फ़िशाँ से दूर रहे
फ़साना बन गए लफ़्ज़-ओ-बयाँ से दूर रहे
वो क्या बताएँ बहारों की हश्र-सामानी
जो ताइरान-ए-क़फ़स गुलसिताँ से दूर रहे
सितम-ज़रीफ़ी-ए-फ़ितरत वो मीर-ए-मंज़िल हैं
वही जो गर्द-ए-रह-ए-कारवाँ से दूर रहे
घटा सका न ज़माना दिलों की क़ुर्बत को
तुम्हारे पास रहे आस्ताँ से दूर रहे
वो दौर अस्ल में जान-ए-ग़ज़ल-सराई था
वो दौर जिस में कि हम आशियाँ से दूर रहे
नज़र से दूरी का 'एहसास' इतना ग़म तो न था
मलाल ये है दिल-ए-दोस्ताँ से दूर रहे
zamīñ se duur rahe āsmāñ se duur rahe
jo tum the paas to saare jahāñ se duur rahe
jo ashk-e-ġham mizha-e-ḳhūñ-fishāñ se duur rahe
fasāna ban ga.e lafz-o-bayāñ se duur rahe
vo kyā batā.eñ bahāroñ kī hashr-sāmānī
jo tā.irān-e-qafas gulsitāñ se duur rahe
sitam-zarīfī-e-fitrat vo mīr-e-manzil haiñ
vahī jo gard-e-rah-e-kārvāñ se duur rahe
ghaTā sakā na zamāna diloñ kī qurbat ko
tumhāre paas rahe āstāñ se duur rahe
vo daur asl meñ jān-e-ġhazal-sarā.ī thā
vo daur jis meñ ki ham āshiyāñ se duur rahe
nazar se duurī kā 'ehsās' itnā ġham to na thā
malāl ye hai dil-e-dostāñ se duur rahe
زمیں سے دور رہے آسماں سے دور رہے
جو تم تھے پاس تو سارے جہاں سے دور رہے
جو اشک غم مژۂ خوں فشاں سے دور رہے
فسانہ بن گئے لفظ و بیاں سے دور رہے
وہ کیا بتائیں بہاروں کی حشر سامانی
جو طائران قفس گلستاں سے دور رہے
ستم ظریفیٔ فطرت وہ میر منزل ہیں
وہی جو گرد رہ کارواں سے دور رہے
گھٹا سکا نہ زمانہ دلوں کی قربت کو
تمہارے پاس رہے آستاں سے دور رہے
وہ دور اصل میں جان غزل سرائی تھا
وہ دور جس میں کہ ہم آشیاں سے دور رہے
نظر سے دوری کا احساسؔ اتنا غم تو نہ تھا
ملال یہ ہے دل دوستاں سے دور رہے