ये तज्रबा भी है हम ने फ़क़त सुना ही नहीं
गुमान शौक़ से बढ़ कर यक़ीं हुआ ही नहीं
हवा है तेज़ तो हो बादबाँ खुले ही रहें
ख़ुदा भी है मिरे हमराह नाख़ुदा ही नहीं
ये और बात अँधेरे हैं मेरी आँखों में
चराग़-ए-दिल तो किसी दौर में बुझा ही नहीं
चमकने वाले सितारे बहुत ग़नीमत हैं
ये ग़म-गुसार भी हैं दर्द-आश्ना ही नहीं
हम उन की बात को फिर आज मो'तबर जानें
कि जी बहलने का अब और रास्ता ही नहीं
बुलंदियों ही पे अक्सर हमें नज़र आया
मगर वो शख़्स कभी शहर में मिला ही नहीं
फ़ज़ा में कितने ख़यालों की गर्द उड़ती है
'रबाब' अब कोई ये बात सोचता ही नहीं
ye tajraba bhī hai ham ne faqat sunā hī nahīñ
gumān shauq se baḌh kar yaqīñ huā hī nahīñ
havā hai tez to ho bādbāñ khule hī raheñ
ḳhudā bhī hai mire hamrāh nāḳhudā hī nahīñ
ye aur baat añdhere haiñ merī āñkhoñ meñ
charāġh-e-dil to kisī daur meñ bujhā hī nahīñ
chamakne vaale sitāre bahut ġhanīmat haiñ
ye ġham-gusār bhī haiñ dard-āshnā hī nahīñ
ham un kī baat ko phir aaj mo'atabar jāneñ
ki jī bahalne kā ab aur rāsta hī nahīñ
bulandiyoñ hī pe aksar hameñ nazar aaya
magar vo shaḳhs kabhī shahr meñ milā hī nahīñ
fazā meñ kitne ḳhayāloñ kī gard uḌtī hai
'rabāb' ab koī ye baat sochtā hī nahīñ
یہ تجربہ بھی ہے ہم نے فقط سنا ہی نہیں
گمان شوق سے بڑھ کر یقیں ہوا ہی نہیں
ہوا ہے تیز تو ہو بادباں کھلے ہی رہیں
خدا بھی ہے مرے ہم راہ ناخدا ہی نہیں
یہ اور بات اندھیرے ہیں میری آنکھوں میں
چراغ دل تو کسی دور میں بجھا ہی نہیں
چمکنے والے ستارے بہت غنیمت ہیں
یہ غم گسار بھی ہیں درد آشنا ہی نہیں
ہم ان کی بات کو پھر آج معتبر جانیں
کہ جی بہلنے کا اب اور راستہ ہی نہیں
بلندیوں ہی پہ اکثر ہمیں نظر آیا
مگر وہ شخص کبھی شہر میں ملا ہی نہیں
فضا میں کتنے خیالوں کی گرد اڑتی ہے
ربابؔ اب کوئی یہ بات سوچتا ہی نہیں