ये सुम्बुल-ओ-नस्रीं मेरे हैं ये सेहन-ए-गुलिस्ताँ मेरा है
मैं अज़्म-ए-नुमू-ए-गुलशन हूँ इनआम-ए-बहाराँ मेरा है
मैं फ़र्क़ बताऊँ किस किस को एहसास की जब तौफ़ीक़ नहीं
कैफ़-ए-ग़म-ए-दौराँ मेरा है लुत्फ़-ए-ग़म-ए-जानाँ मेरा है
ऐ मौसम-ए-गुल तशवीश न कर अर्बाब-ए-ख़िरद की बातों पर
ये पंजा-ए-वहशत मेरे हैं हर तार-ए-गरेबाँ मेरा है
अहबाब तबाही पर मेरी मग़्मूम न हों मातम न करें
ये गर्दिश-ए-दौराँ मेरी है वो फ़ित्ना-ए-दौराँ मेरा है
ऐ नासेह-ए-मुशफ़िक़! रहने दे अश्कों पे मिरे तन्क़ीद न कर
ये दीदा-ए-गिर्यां मेरे हैं वो गोशा-ए-दामाँ मेरा है
तारीख़-ए-चमन लिखने के लिए क्यूँ हाथ बढ़े हैं गुलचीं के
आग़ाज़-ए-गुलिस्ताँ मेरा था अंजाम-ए-गुलिस्ताँ मेरा है
शिकवों की ज़फ़र-याबी पे मुझे अहबाब मुबारकबाद न दें
वो नीची निगाहें मेरी हैं वो हुस्न-ए-पशीमाँ मेरा है
ye sumbul-o-nasrīñ mere haiñ ye sehn-e-gulistāñ merā hai
maiñ azm-e-numū-e-gulshan huuñ in.ām-e-bahārāñ merā hai
maiñ farq batā.ūñ kis kis ko ehsās kī jab taufīq nahīñ
kaif-e-ġham-e-daurāñ merā hai lutf-e-ġham-e-jānāñ merā hai
ai mausam-e-gul tashvīsh na kar arbāb-e-ḳhirad kī bātoñ par
ye panja-e-vahshat mere haiñ har tār-e-garebāñ merā hai
ahbāb tabāhī par merī maġhmūm na hoñ mātam na kareñ
ye gardish-e-daurāñ merī hai vo fitna-e-daurāñ merā hai
ai nāseh-e-mushfiq! rahne de ashkoñ pe mire tanqīd na kar
ye dīda-e-giryāñ mere haiñ vo gosha-e-dāmāñ merā hai
tārīḳh-e-chaman likhne ke liye kyuuñ haath baḌhe haiñ gulchīñ ke
āġhāz-e-gulistāñ merā thā anjām-e-gulistāñ merā hai
shikvoñ kī zafar-yābī pe mujhe ahbāb mubārakbād na deñ
vo nīchī nigāheñ merī haiñ vo husn-e-pashīmāñ merā hai
یہ سنبل و نسریں میرے ہیں یہ صحن گلستاں میرا ہے
میں عزم نموئے گلشن ہوں انعام بہاراں میرا ہے
میں فرق بتاؤں کس کس کو احساس کی جب توفیق نہیں
کیف غم دوراں میرا ہے لطف غم جاناں میرا ہے
اے موسم گل تشویش نہ کر ارباب خرد کی باتوں پر
یہ پنجۂ وحشت میرے ہیں ہر تار گریباں میرا ہے
احباب تباہی پر میری مغموم نہ ہوں ماتم نہ کریں
یہ گردش دوراں میری ہے وہ فتنۂ دوراں میرا ہے
اے ناصح مشفق! رہنے دے اشکوں پہ مرے تنقید نہ کر
یہ دیدۂ گریاں میرے ہیں وہ گوشۂ داماں میرا ہے
تاریخ چمن لکھنے کے لئے کیوں ہاتھ بڑھے ہیں گلچیں کے
آغاز گلستاں میرا تھا انجام گلستاں میرا ہے
شکوؤں کی ظفر یابی پہ مجھے احباب مبارک باد نہ دیں
وہ نیچی نگاہیں میری ہیں وہ حسن پشیماں میرا ہے