ये रात दिन का बदलना नज़र में रहता है
हमारा ज़ेहन मुसलसल सफ़र में रहता है
नज़र में उस की तो वुसअ'त है आसमानों की
गो देखने को परिंदा शजर में रहता है
हमारा नाम वो ले ले तो लोग चौंक उट्ठें
कि फ़र्द फ़र्द हमारे असर में रहता है
शजर शजर जो समर है तो देख ख़ुद को भी
जहान-ए-नौ का तसव्वुर समर में रहता है
हर एक बात का बिल्कुल यक़ीन आया मगर
हमारा ख़ौफ़ तुम्हारे अगर में रहता है
तुझे गुमाँ है कि मंज़िल पे तो पहुँच भी गया
हर एक शख़्स यहाँ रहगुज़र में रहता है
उसे सुकून है इस से कि हम को चैन नहीं
बस इक जुनून हमारी ख़बर में रहता है
नहीं है कुछ भी वो ऐ 'साद' बस ख़याल सा है
मगर ख़याल का सौदा तो सर में रहता है
ye raat din kā badalnā nazar meñ rahtā hai
hamārā zehn musalsal safar meñ rahtā hai
nazar meñ us kī to vus.at hai āsmānoñ kī
go dekhne ko parinda shajar meñ rahtā hai
hamārā naam vo le le to log chauñk uTTheñ
ki fard fard hamāre asar meñ rahtā hai
shajar shajar jo samar hai to dekh ḳhud ko bhī
jahān-e-nau kā tasavvur samar meñ rahtā hai
har ek baat kā bilkul yaqīn aayā magar
hamārā ḳhauf tumhāre agar meñ rahtā hai
tujhe gumāñ hai ki manzil pe to pahuñch bhī gayā
har ek shaḳhs yahāñ rahguzar meñ rahtā hai
use sukūn hai is se ki ham ko chain nahīñ
bas ik junūn hamārī ḳhabar meñ rahtā hai
nahīñ hai kuchh bhī vo ai 'sād' bas ḳhayāl sā hai
magar ḳhayāl kā saudā to sar meñ rahtā hai
یہ رات دن کا بدلنا نظر میں رہتا ہے
ہمارا ذہن مسلسل سفر میں رہتا ہے
نظر میں اس کی تو وسعت ہے آسمانوں کی
گو دیکھنے کو پرندہ شجر میں رہتا ہے
ہمارا نام وہ لے لے تو لوگ چونک اٹھیں
کہ فرد فرد ہمارے اثر میں رہتا ہے
شجر شجر جو ثمر ہے تو دیکھ خود کو بھی
جہان نو کا تصور ثمر میں رہتا ہے
ہر ایک بات کا بالکل یقین آیا مگر
ہمارا خوف تمہارے اگر میں رہتا ہے
تجھے گماں ہے کہ منزل پہ تو پہنچ بھی گیا
ہر ایک شخص یہاں رہ گزر میں رہتا ہے
اسے سکون ہے اس سے کہ ہم کو چین نہیں
بس اک جنون ہماری خبر میں رہتا ہے
نہیں ہے کچھ بھی وہ اے سعدؔ بس خیال سا ہے
مگر خیال کا سودا تو سر میں رہتا ہے