अब्र उतरा है चार-सू देखो
अब वो निखरेगा ख़ूब-रू देखो
सुर्ख़ ईंटों पे नाचती बारिश
और यादें हैं रू-ब-रू देखो
ऐसे मौसम में भीगते रहना
एक शायर की आरज़ू देखो
वो जो ज़ीना-ब-ज़ीना उतरा है
अक्स मेरा है हू-ब-हू देखो
अपनी सोचें सफ़र में रहती हैं
उस को पाने की जुस्तुजू देखो
दिल की दुनिया है दूसरी दुनिया
ऐसे मंज़र को बा-वज़ू देखो
इक सुकूँ है अगरचे बस्ती में
'साद' अंदर की हाव-हू देखो
abr utrā hai chār-sū dekho
ab vo nikhregā ḳhūb-rū dekho
surḳh īñToñ pe nāchtī bārish
aur yādeñ haiñ rū-ba-rū dekho
aise mausam meñ bhīgte rahnā
ek shā.er kī aarzū dekho
vo jo zīna-ba-zīna utrā hai
aks merā hai hū-ba-hū dekho
apnī socheñ safar meñ rahtī haiñ
us ko paane kī justujū dekho
dil kī duniyā hai dūsrī duniyā
aise manzar ko bā-vazū dekho
ik sukūñ hai agarche bastī meñ
'sād' andar kī hāo-hū dekho
ابر اترا ہے چار سو دیکھو
اب وہ نکھرے گا خوب رو دیکھو
سرخ اینٹوں پہ ناچتی بارش
اور یادیں ہیں رو بہ رو دیکھو
ایسے موسم میں بھیگتے رہنا
ایک شاعر کی آرزو دیکھو
وہ جو زینہ بہ زینہ اترا ہے
عکس میرا ہے ہو بہو دیکھو
اپنی سوچیں سفر میں رہتی ہیں
اس کو پانے کی جستجو دیکھو
دل کی دنیا ہے دوسری دنیا
ایسے منظر کو با وضو دیکھو
اک سکوں ہے اگرچہ بستی میں
سعدؔ اندر کی ہاؤ ہو دیکھو