ये मत भुला कि यहाँ जिस क़दर उजाले हैं
ये आदमी ने अंधेरों से ही निकाले हैं
न पूछ क्यूँ है ये रंग-ए-ग़ज़ल में तब्दीली
ये देख सीना-ए-शाइ'र में कितने छाले हैं
लिबास-ए-सब्र-ओ-तहम्मुल जो हम हैं पहने हुए
अब इस के लगता है बख़िये उधड़ने वाले हैं
तवक़्क़ुआ'त वही आज भी हैं यारों से
कि अब भी यार सभी आस्तीन वाले हैं
ख़मोश काँपते मोहरे लरज़ रहा है बिसात
न जाने कौन सी वो चाल चलने वाले हैं
ये क्या सितम है कि उन को भी मैं बड़ा लिक्खूँ
जो लोग आज बड़े कारोबार वाले हैं
ख़ुदा करे कि 'सआदत' तुम्हें सुझाई दें
जो मेरे शे'रों में मफ़्हूम के उजाले हैं
ye mat bhulā ki yahāñ jis qadar ujāle haiñ
ye aadmī ne añdheroñ se hī nikāle haiñ
na pūchh kyuuñ hai ye rañg-e-ġhazal meñ tabdīlī
ye dekh sīna-e-shā.ir meñ kitne chhāle haiñ
libās-e-sabr-o-tahammul jo ham haiñ pahne hue
ab is ke lagtā hai baḳhiye udhaḌne vaale haiñ
tavaqquāt vahī aaj bhī haiñ yāroñ se
ki ab bhī yaar sabhī āstīn vaale haiñ
ḳhamosh kāñpte mohre laraz rahā hai bisāt
na jaane kaun sī vo chaal chalne vaale haiñ
ye kyā sitam hai ki un ko bhī maiñ baḌā likkhūñ
jo log aaj baḌe kārobār vaale haiñ
ḳhudā kare ki 'sa.ādat' tumheñ sujhā.ī deñ
jo mere sheroñ meñ mafhūm ke ujāle haiñ
یہ مت بھلا کہ یہاں جس قدر اجالے ہیں
یہ آدمی نے اندھیروں سے ہی نکالے ہیں
نہ پوچھ کیوں ہے یہ رنگ غزل میں تبدیلی
یہ دیکھ سینۂ شاعر میں کتنے چھالے ہیں
لباس صبر و تحمل جو ہم ہیں پہنے ہوئے
اب اس کے لگتا ہے بخیے ادھڑنے والے ہیں
توقعات وہی آج بھی ہیں یاروں سے
کہ اب بھی یار سبھی آستین والے ہیں
خموش کانپتے مہرے لرز رہا ہے بساط
نہ جانے کون سی وہ چال چلنے والے ہیں
یہ کیا ستم ہے کہ ان کو بھی میں بڑا لکھوں
جو لوگ آج بڑے کاروبار والے ہیں
خدا کرے کہ سعادتؔ تمہیں سجھائی دیں
جو میرے شعروں میں مفہوم کے اجالے ہیں