ये जमाल क्या ये जलाल क्या ये उरूज क्या ये ज़वाल क्या
वो जो पेड़ जड़ से उखड़ गया उसे मौसमों का मलाल क्या
वो जो लम्हा लम्हा बिखर गया वो जो अपनी हद से गुज़र गया
उसे फ़िक्र-ए-शाम-ओ-सहर हो क्या उसे रंजिश-ए-मह-ओ-साल क्या
वो जो बे-नियाज़ सा हो गया वो जो एक राज़ सा हो गया
जिसे कुछ ग़रज़ ही नहीं रही उसे दस्त-ए-हर्फ़-ए-सवाल क्या
हुआ रेज़ा रेज़ा जो दिल तिरा उसे जोड़ जोड़ के मत दिखा
वो जो अपने हुस्न में मस्त है उसे आइने का ख़याल क्या
वही हिज्र रात की बात है वही चाँद-तारों का साथ है
जो फ़िराक़ से हुआ आश्ना उसे आरज़ू-ए-विसाल क्या
किसी और से करें क्यूँ गिला हमें अपने-आप से दुख मिला
वो जो दर्द-ए-दिल से हो आश्ना उसे दुनिया-भर का वबाल क्या
वही गर्द गर्द ग़ुबार है वही चारों ओर फ़िशार है
वो जो ख़ुद को भी नहीं जानता वो हो मेरा वाक़िफ़-ए-हाल क्या
उसे 'साद' कैसा बताएँ हम उसे किस से जा के मिलाएँ हम
वो तो ख़ुद सरापा मिसाल है ये गुलाब क्या ये ग़ज़ाल क्या
ye jamāl kyā ye jalāl kyā ye uruuj kyā ye zavāl kyā
vo jo peḌ jaḌ se ukhaḌ gayā use mausamoñ kā malāl kyā
vo jo lamha lamha bikhar gayā vo jo apnī had se guzar gayā
use fikr-e-shām-o-sahar ho kyā use ranjish-e-mah-o-sāl kyā
vo jo be-niyāz sā ho gayā vo jo ek raaz sā ho gayā
jise kuchh ġharaz hī nahīñ rahī use dast-e-harf-e-savāl kyā
huā reza reza jo dil tirā use joḌ joḌ ke mat dikhā
vo jo apne husn meñ mast hai use aa.ine kā ḳhayāl kyā
vahī hijr raat kī baat hai vahī chāñd-tāroñ kā saath hai
jo firāq se huā āshnā use ārzū-e-visāl kyā
kisī aur se kareñ kyuuñ gila hameñ apne-āp se dukh milā
vo jo dard-e-dil se ho āshnā use duniyā-bhar kā vabāl kyā
vahī gard gard ġhubār hai vahī chāroñ or fishār hai
vo jo ḳhud ko bhī nahīñ jāntā vo ho merā vāqif-e-hāl kyā
use 'sād' kaisā batā.eñ ham use kis se jā ke milā.eñ ham
vo to ḳhud sarāpā misāl hai ye gulāb kyā ye ġhazāl kyā
یہ جمال کیا یہ جلال کیا یہ عروج کیا یہ زوال کیا
وہ جو پیڑ جڑ سے اکھڑ گیا اسے موسموں کا ملال کیا
وہ جو لمحہ لمحہ بکھر گیا وہ جو اپنی حد سے گزر گیا
اسے فکر شام و سحر ہو کیا اسے رنجش مہ و سال کیا
وہ جو بے نیاز سا ہو گیا وہ جو ایک راز سا ہو گیا
جسے کچھ غرض ہی نہیں رہی اسے دست حرف سوال کیا
ہوا ریزہ ریزہ جو دل ترا اسے جوڑ جوڑ کے مت دکھا
وہ جو اپنے حسن میں مست ہے اسے آئنے کا خیال کیا
وہی ہجر رات کی بات ہے وہی چاند تاروں کا ساتھ ہے
جو فراق سے ہوا آشنا اسے آرزوئے وصال کیا
کسی اور سے کریں کیوں گلہ ہمیں اپنے آپ سے دکھ ملا
وہ جو درد دل سے ہو آشنا اسے دنیا بھر کا وبال کیا
وہی گرد گرد غبار ہے وہی چاروں اور فشار ہے
وہ جو خود کو بھی نہیں جانتا وہ ہو میرا واقف حال کیا
اسے سعدؔ کیسا بتائیں ہم اسے کس سے جا کے ملائیں ہم
وہ تو خود سراپا مثال ہے یہ گلاب کیا یہ غزال کیا