ये हम ने माना कि होगा विसाल-ए-यार नसीब
दिल-ए-हज़ीं को मगर है कहाँ क़रार नसीब
ये अपना अपना मुक़द्दर है और क्या कहिए
ख़िज़ाँ नसीब कोई है कोई बहार नसीब
कोई तो एक नज़र के लिए तरसता है
किसी को होता है दीदार बार बार नसीब
न आरज़ू तिरी करते न आबरू खोते
ख़ुद अपने दिल पे अगर होता इख़्तियार नसीब
सुना तो है तेरा दीदार एक दिन होगा
इसी उमीद पे बैठे हैं इंतिज़ार नसीब
समझ सकेगा वो क्या मेरे दिल की बेताबी
हुआ न जिस को कभी सोज़-ए-इश्क़ यार नसीब
जहाँ में और भी 'आसी' अलम के मारे हैं
यहाँ पे तू ही नहीं एक सोगवार-नसीब
ye ham ne maanā ki hogā visāl-e-yār nasīb
dil-e-hazīñ ko magar hai kahāñ qarār nasīb
ye apnā apnā muqaddar hai aur kyā kahiye
ḳhizāñ nasīb koī hai koī bahār nasīb
koī to ek nazar ke liye tarastā hai
kisī ko hotā hai dīdār baar baar nasīb
na aarzū tirī karte na aabrū khote
ḳhud apne dil pe agar hotā iḳhtiyār nasīb
sunā to hai terā dīdār ek din hogā
isī umiid pe baiThe haiñ intizār nasīb
samajh sakegā vo kyā mere dil kī betābī
huā na jis ko kabhī soz-e-ishq yaar nasīb
jahāñ meñ aur bhī 'āsī' alam ke maare haiñ
yahāñ pe tū hī nahīñ ek sogvār-nasīb
یہ ہم نے مانا کہ ہوگا وصال یار نصیب
دل حزیں کو مگر ہے کہاں قرار نصیب
یہ اپنا اپنا مقدر ہے اور کیا کہیے
خزاں نصیب کوئی ہے کوئی بہار نصیب
کوئی تو ایک نظر کے لیے ترستا ہے
کسی کو ہوتا ہے دیدار بار بار نصیب
نہ آرزو تری کرتے نہ آبرو کھوتے
خود اپنے دل پہ اگر ہوتا اختیار نصیب
سنا تو ہے تیرا دیدار ایک دن ہوگا
اسی امید پہ بیٹھے ہیں انتظار نصیب
سمجھ سکے گا وہ کیا میرے دل کی بیتابی
ہوا نہ جس کو کبھی سوز عشق یار نصیب
جہاں میں اور بھی آسیؔ الم کے مارے ہیں
یہاں پہ تو ہی نہیں ایک سوگوار نصیب