ये हादिसा भी सर-ए-रहगुज़ार होना था
तिरी तलाश में मुझ को ग़ुबार होना था
उचक लिया है उन्हें भी ख़िज़ाँ के मौसम ने
वो फूल-पात कि जिन को बहार होना था
हमें ख़बर थी तिरी तर्ज़-ए-बादशाही से
हुनर-वरों को ही बे-इख़्तियार होना था
उन्ही के हाथ गरेबान में पड़े हुए हैं
जिन्हें सदा से ही ख़िदमत-गुज़ार होना था
गुमाँ की धूल मिरे दिल पे मल गया है वही
वो शख़्स जिस को मिरा ए'तिबार होना था
भरोसा ग़ैर की छाँव पे हम न करते अगर
सरों पे साया-ए-परवरदिगार होना था
बदल दिया उन्हें मिट्टी के बर्तनों में 'नबील'
वो चीज़ें जिन को बहुत पाएदार होना था
ye hādisa bhī sar-e-rahguzār honā thā
tirī talāsh meñ mujh ko ġhubār honā thā
uchak liyā hai unheñ bhī ḳhizāñ ke mausam ne
vo phūl-pāt ki jin ko bahār honā thā
hameñ ḳhabar thī tirī tarz-e-bādshāhī se
hunar-varo.v ko hī be-iḳhtiyār honā thā
unhī ke haath garebān meñ paḌe hue haiñ
jinheñ sadā se hī ḳhidmat-guzār honā thā
gumāñ kī dhuul mire dil pe mal gayā hai vahī
vo shaḳhs jis ko mirā e'tibār honā thā
bharosa ġhair kī chhāñv pe ham na karte agar
saroñ pe sāya-e-parvardigār honā thā
badal diyā unheñ miTTī ke bartanoñ meñ 'nabīl'
vo chīzeñ jin ko bahut pā.edār honā thā
یہ حادثہ بھی سر رہ گزار ہونا تھا
تری تلاش میں مجھ کو غبار ہونا تھا
اچک لیا ہے انہیں بھی خزاں کے موسم نے
وہ پھول پات کہ جن کو بہار ہونا تھا
ہمیں خبر تھی تری طرز بادشاہی سے
ہنر وروں کو ہی بے اختیار ہونا تھا
انہی کے ہاتھ گریبان میں پڑے ہوئے ہیں
جنہیں سدا سے ہی خدمت گزار ہونا تھا
گماں کی دھول مرے دل پہ مل گیا ہے وہی
وہ شخص جس کو مرا اعتبار ہونا تھا
بھروسہ غیر کی چھاؤں پہ ہم نہ کرتے اگر
سروں پہ سایۂ پروردگار ہونا تھا
بدل دیا انہیں مٹی کے برتنوں میں نبیلؔ
وہ چیزیں جن کو بہت پائیدار ہونا تھا