ऐसी उलझन हो कभी ऐसी भी रुस्वाई हो
दिल के हर ज़ख़्म में दरियाओं की गहराई हो
इश्क़ में ऐसे किसी की भी न रुस्वाई हो
हर-क़दम पाँव में ज़ंजीर नज़र आई हो
इस तरह याद तिरी दिल में चली आई हो
जिस तरह कोई कली शाख़ पे मुस्काई हो
यूँ गुज़रते हैं तिरे हिज्र में दिन-रात मिरे
जान पे जैसे किसी शख़्स के बन आई हो
दीद से प्यास बुझे चश्म-ए-तमन्ना की कभी
हुस्न-ए-ज़ेबा से दिल-ए-ज़ार की ज़ेबाई हो
तू क़रीब आया तो ऐसा मुझे महसूस हुआ
तेरी ख़ुश्बू मिरी साँसों में सिमट आई हो
ऐसे बोझल हैं तिरे बा'द मोहब्बत के क़दम
जैसे लड़की किसी देहात की घबराई हो
एक अर्सा हुआ मंज़र नहीं देखा कोई
हुस्न-ए-ज़ेबा से मिरी आँख में रा'नाई हो
मिल भी सकता है हमें मंज़िल-ए-हस्ती का सुराग़
वक़्त ने पाँव में ज़ंजीर न पहनाई हो
इस तरह देखता है मुझ को वो इक शख़्स यहाँ
जिस तरह एक ज़माने की शनासाई हो
रास्ते ऐसे चमक उठते हैं रफ़्ता रफ़्ता
मुंतज़िर जैसे नज़र राह में फैलाई हो
काश ऐसा भी कोई लम्हा मयस्सर आ जाए
इश्क़ की बात बने ग़म की पज़ीराई हो
ऐसे सीने में परेशान है दिल का होना
हर तरफ़ धूल हो हर ओर में तन्हाई हो
दिल भी जलता हो जुदाई में शरारे की तरह
गीली लकड़ी की तरह जान भी सुलगाई हो
गुलशन-ए-ज़ीस्त में रक़्साँ हो बहारों का समाँ
तेरे आँचल से हर इक शाख़ ही रंगवाई हो
हुस्न को इश्क़ के आ जाएँ जो आदाब कभी
आँख शैदाई न हो दिल न तमन्नाई हो
अर्सा-ए-ज़ीस्त में ऐसा न कोई लम्हा मिला
किसी साअ'त ने कली प्यार की महकाई हो
दाएरे ऐसे बनाती है यहाँ क़ौस-ए-क़ुज़ह
हू-ब-हू जैसे किसी शोख़ की अंगड़ाई हो
ज़िंदगी ऐसे कटी ताना-ओ-दुश्नाम के साथ
मेरा होना भी मिरे ग़म का शनासाई हो
चैन आता है तमन्ना को न अरमाँ को सकूँ
जब मोहब्बत की कली ख़ौफ़ से मुरझाई हो
बेच के ख़ुद को भी ख़ुशियाँ न ख़रीदी जाएँ
तेरी दुनिया में न ऐसी कभी महँगाई हो
मुझ को गुल-रंग बहारों से यही लगता है
जैसे पर्वा तिरी ख़ुश्बू को लिए आई हो
देख कर रंग बहारों के मुझे लगता है
जैसे चुनरी किसी दोशीज़ा ने फैलाई हो
फूल की तरह सभी दाग़ महकने लग जाएँ
काश ऐसा भी कहीं तर्ज़-ए-मसीहाई हो
कैसा मंज़र हो कि सर फोड़ते दीवानों के
संग हो हाथ में और सामने हरजाई हो
है मिज़ाज अपना अलग अपनी तबीअत है जुदा
कैसे इस दौर के लोगों से शनासाई हो
वो सुख़न-वर जो सुख़न-वर हैं हक़ीक़ी साहब
ऐसे लोगों का कभी जश्न-ए-पज़ीराई हो
ज़ख़्म उस शोख़ ने इस बार लगाया वो 'नबील'
जैसे बिफरे हुए दरियाओं की गहराई हो
चाय का कप हो 'नबील' और किसी की यादें
रात का पिछ्ला पहर आलम-ए-तन्हाई हो
ऐसी हालत में नज़र आया है वो आज 'नबील'
जैसे शे'रों में कोई क़ाफ़िया-पैमाई हो
aisī uljhan ho kabhī aisī bhī rusvā.ī ho
dil ke har zaḳhm meñ dariyāoñ kī gahrā.ī ho
ishq meñ aise kisī kī bhī na rusvā.ī ho
har-qadam paañv meñ zanjīr nazar aa.ī ho
is tarah yaad tirī dil meñ chalī aa.ī ho
jis tarah koī kalī shāḳh pe muskā.ī ho
yuuñ guzarte haiñ tire hijr meñ din-rāt mire
jaan pe jaise kisī shaḳhs ke ban aa.ī ho
diid se pyaas bujhe chashm-e-tamannā kī kabhī
husn-e-zebā se dil-e-zār kī zebā.ī ho
tū qarīb aayā to aisā mujhe mahsūs huā
terī ḳhushbū mirī sāñsoñ meñ simaT aa.ī ho
aise bojhal haiñ tire ba.ad mohabbat ke qadam
jaise laḌkī kisī dehāt kī ghabrā.ī ho
ek arsa huā manzar nahīñ dekhā koī
husn-e-zebā se mirī aañkh meñ ra.anā.ī ho
mil bhī saktā hai hameñ manzil-e-hastī kā surāġh
vaqt ne paañv meñ zanjīr na pahnā.ī ho
is tarah dekhtā hai mujh ko vo ik shaḳhs yahāñ
jis tarah ek zamāne kī shanāsā.ī ho
rāste aise chamak uThte haiñ rafta rafta
muntazir jaise nazar raah meñ phailā.ī ho
kaash aisā bhī koī lamha mayassar aa jaa.e
ishq kī baat bane ġham kī pazīrā.ī ho
aise siine meñ pareshān hai dil kā honā
har taraf dhuul ho har or meñ tanhā.ī ho
dil bhī jaltā ho judā.ī meñ sharāre kī tarah
giilī lakḌī kī tarah jaan bhī sulgā.ī ho
gulshan-e-zīst meñ raqsāñ ho bahāroñ kā samāñ
tere āñchal se har ik shāḳh hī rañgvā.ī ho
husn ko ishq ke aa jaa.eñ jo ādāb kabhī
aañkh shaidā.ī na ho dil na tamannā.ī ho
arsa-e-zīst meñ aisā na koī lamha milā
kisī saa.at ne kalī pyaar kī mahkā.ī ho
dā.ere aise banātī hai yahāñ qaus-e-quzah
hū-ba-hū jaise kisī shoḳh kī añgḌā.ī ho
zindagī aise kaTī tāna-o-dushnām ke saath
merā honā bhī mire ġham kā shanāsā.ī ho
chain aatā hai tamannā ko na armāñ ko sakūñ
jab mohabbat kī kalī ḳhauf se murjhā.ī ho
bech ke ḳhud ko bhī ḳhushiyāñ na ḳharīdī jaa.eñ
terī duniyā meñ na aisī kabhī mahñgā.ī ho
mujh ko gul-rañg bahāroñ se yahī lagtā hai
jaise parvā tirī ḳhushbū ko liye aa.ī ho
dekh kar rañg bahāroñ ke mujhe lagtā hai
jaise chunarī kisī doshīza ne phailā.ī ho
phuul kī tarah sabhī daaġh mahakne lag jaa.eñ
kaash aisā bhī kahīñ tarz-e-masīhā.ī ho
kaisā manzar ho ki sar phoḌte dīvānoñ ke
sañg ho haath meñ aur sāmne harjā.ī ho
hai mizāj apnā alag apnī tabī.at hai judā
kaise is daur ke logoñ se shanāsā.ī ho
vo suḳhan-var jo suḳhan-var haiñ haqīqī sāhab
aise logoñ kā kabhī jashn-e-pazīrā.ī ho
zaḳhm us shoḳh ne is baar lagāyā vo 'nabīl'
jaise biphre hue dariyāoñ kī gahrā.ī ho
chaa.e kā cup ho 'nabīl' aur kisī kī yādeñ
raat kā pichhlā pahar ālam-e-tanhā.ī ho
aisī hālat meñ nazar aayā hai vo aaj 'nabīl'
jaise sheroñ meñ koī qāfiya-paimā.ī ho
ایسی الجھن ہو کبھی ایسی بھی رسوائی ہو
دل کے ہر زخم میں دریاؤں کی گہرائی ہو
عشق میں ایسے کسی کی بھی نہ رسوائی ہو
ہر قدم پاؤں میں زنجیر نظر آئی ہو
اس طرح یاد تری دل میں چلی آئی ہو
جس طرح کوئی کلی شاخ پہ مسکائی ہو
یوں گزرتے ہیں ترے ہجر میں دن رات مرے
جان پہ جیسے کسی شخص کے بن آئی ہو
دید سے پیاس بجھے چشم تمنا کی کبھی
حسن زیبا سے دل زار کی زیبائی ہو
تو قریب آیا تو ایسا مجھے محسوس ہوا
تیری خوشبو مری سانسوں میں سمٹ آئی ہو
ایسے بوجھل ہیں ترے بعد محبت کے قدم
جیسے لڑکی کسی دیہات کی گھبرائی ہو
ایک عرصہ ہوا منظر نہیں دیکھا کوئی
حسن زیبا سے مری آنکھ میں رعنائی ہو
مل بھی سکتا ہے ہمیں منزل ہستی کا سراغ
وقت نے پاؤں میں زنجیر نہ پہنائی ہو
اس طرح دیکھتا ہے مجھ کو وہ اک شخص یہاں
جس طرح ایک زمانے کی شناسائی ہو
راستے ایسے چمک اٹھتے ہیں رفتہ رفتہ
منتظر جیسے نظر راہ میں پھیلائی ہو
کاش ایسا بھی کوئی لمحہ میسر آ جائے
عشق کی بات بنے غم کی پذیرائی ہو
ایسے سینے میں پریشان ہے دل کا ہونا
ہر طرف دھول ہو ہر اور میں تنہائی ہو
دل بھی جلتا ہو جدائی میں شرارے کی طرح
گیلی لکڑی کی طرح جان بھی سلگائی ہو
گلشن زیست میں رقصاں ہو بہاروں کا سماں
تیرے آنچل سے ہر اک شاخ ہی رنگوائی ہو
حسن کو عشق کے آ جائیں جو آداب کبھی
آنکھ شیدائی نہ ہو دل نہ تمنائی ہو
عرصۂ زیست میں ایسا نہ کوئی لمحہ ملا
کسی ساعت نے کلی پیار کی مہکائی ہو
دائرے ایسے بناتی ہے یہاں قوس قزح
ہو بہ ہو جیسے کسی شوخ کی انگڑائی ہو
زندگی ایسے کٹی طعنہ و دشنام کے ساتھ
میرا ہونا بھی مرے غم کا شناسائی ہو
چین آتا ہے تمنا کو نہ ارماں کو سکوں
جب محبت کی کلی خوف سے مرجھائی ہو
بیچ کے خود کو بھی خوشیاں نہ خریدی جائیں
تیری دنیا میں نہ ایسی کبھی مہنگائی ہو
مجھ کو گل رنگ بہاروں سے یہی لگتا ہے
جیسے پروا تری خوشبو کو لیے آئی ہو
دیکھ کر رنگ بہاروں کے مجھے لگتا ہے
جیسے چنری کسی دوشیزہ نے پھیلائی ہو
پھول کی طرح سبھی داغ مہکنے لگ جائیں
کاش ایسا بھی کہیں طرز مسیحائی ہو
کیسا منظر ہو کہ سر پھوڑتے دیوانوں کے
سنگ ہو ہاتھ میں اور سامنے ہرجائی ہو
ہے مزاج اپنا الگ اپنی طبیعت ہے جدا
کیسے اس دور کے لوگوں سے شناسائی ہو
وہ سخن ور جو سخن ور ہیں حقیقی صاحب
ایسے لوگوں کا کبھی جشن پذیرائی ہو
زخم اس شوخ نے اس بار لگایا وہ نبیلؔ
جیسے بپھرے ہوئے دریاؤں کی گہرائی ہو
چائے کا کپ ہو نبیلؔ اور کسی کی یادیں
رات کا پچھلا پہر عالم تنہائی ہو
ایسی حالت میں نظر آیا ہے وہ آج نبیلؔ
جیسے شعروں میں کوئی قافیہ پیمائی ہو