ये और बात दूर रहे मंज़िलों से हम
बच कर चले हमेशा मगर क़ाफ़िलों से हम
होने को फिर शिकार नई उलझनों से हम
मिलते हैं रोज़ अपने कई दोस्तों से हम
बरसों फ़रेब खाते रहे दूसरों से हम
अपनी समझ में आए बड़ी मुश्किलों से हम
मंज़िल की है तलब तो हमें साथ ले चलो
वाक़िफ़ हैं ख़ूब राह की बारीकियों से हम
जिन के परों से सुब्ह की ख़ुशबू के रंग हैं
बचपन उधार लाए हैं उन तितलियों से हम
गुज़रे हमारे घर की किसी रहगुज़र से वो
पर्दे हटाए देखें उन्हें खिड़कियों से हम
अब तो हमारे बीच कभी दूरियाँ भी हों
तंग आ गए हैं रोज़ की नज़दीकियों से हम
जब भी कहा कि याद हमारी कहाँ उन्हें
पकड़े गए हैं ठीक तभी हिचकियों से हम
ye aur baat duur rahe manziloñ se ham
bach kar chale hamesha magar qāfiloñ se ham
hone ko phir shikār na.ī uljhanoñ se ham
milte haiñ roz apne ka.ī dostoñ se ham
barsoñ fareb khāte rahe dūsroñ se ham
apnī samajh meñ aa.e baḌī mushkiloñ se ham
manzil kī hai talab to hameñ saath le chalo
vāqif haiñ ḳhuub raah kī bārīkiyoñ se ham
jin ke paroñ se sub.h kī ḳhushbū ke rañg haiñ
bachpan udhār laa.e haiñ un titliyoñ se ham
guzre hamāre ghar kī kisī rahguzar se vo
parde haTā.e dekheñ unheñ khiḌkiyoñ se ham
ab to hamāre beach kabhī dūriyāñ bhī hoñ
tañg aa ga.e haiñ roz kī nazdīkiyoñ se ham
jab bhī kahā ki yaad hamārī kahāñ unheñ
pakḌe ga.e haiñ Thiik tabhī hichkiyoñ se ham
یہ اور بات دور رہے منزلوں سے ہم
بچ کر چلے ہمیشہ مگر قافلوں سے ہم
ہونے کو پھر شکار نئی الجھنوں سے ہم
ملتے ہیں روز اپنے کئی دوستوں سے ہم
برسوں فریب کھاتے رہے دوسروں سے ہم
اپنی سمجھ میں آئے بڑی مشکلوں سے ہم
منزل کی ہے طلب تو ہمیں ساتھ لے چلو
واقف ہیں خوب راہ کی باریکیوں سے ہم
جن کے پروں سے صبح کی خوشبو کے رنگ ہیں
بچپن ادھار لائے ہیں ان تتلیوں سے ہم
گزرے ہمارے گھر کی کسی رہ گزر سے وہ
پردے ہٹائے دیکھیں انہیں کھڑکیوں سے ہم
اب تو ہمارے بیچ کبھی دوریاں بھی ہوں
تنگ آ گئے ہیں روز کی نزدیکیوں سے ہم
جب بھی کہا کہ یاد ہماری کہاں انہیں
پکڑے گئے ہیں ٹھیک تبھی ہچکیوں سے ہم