ये अलग बात कि पेशानी पे बल आएगा
ग़ौर करते रहो कुछ हल भी निकल आएगा
बीज भी डाल दे उम्मीद-ए-समर भी तज दे
जब तिरी नस्ल जवाँ होगी तो फल आएगा
मस्लहत ओढ़ के चुप-चाप तमाशा बन जा
जो भी आएगा मुख़ालिफ़ तिरे हल आएगा
एक क़ानून-ए-मुकाफ़ात-ए-अमल है ज़ालिम
आज जो करता है तू सामने कल आएगा
उम्र गुज़री है कभी दीद की लज़्ज़त मिल जाए
जाने कब मेरी निगाहों में वो पल आएगा
‘दानिशा’ बज़्म में उन की तू ग़ज़ल झूम के पढ़
उन की जानिब से भी कुछ रद्द-ए-अमल आएगा
ye alag baat ki peshānī pe bal aa.egā
ġhaur karte raho kuchh hal bhī nikal aa.egā
biij bhī Daal de ummīd-e-samar bhī taj de
jab tirī nasl javāñ hogī to phal aa.egā
maslahat oḌh ke chup-chāp tamāshā ban jā
jo bhī aa.egā muḳhālif tire hal aa.egā
ek qānūn-e-mukāfāt-e-amal hai zālim
aaj jo kartā hai tū sāmne kal aa.egā
umr guzrī hai kabhī diid kī lazzat mil jaa.e
jaane kab merī nigāhoñ meñ vo pal aa.egā
‘dānishā’ bazm meñ un kī tū ġhazal jhuum ke paḌh
un kī jānib se bhī kuchh radd-e-amal aa.egā
یہ الگ بات کہ پیشانی پہ بل آئے گا
غور کرتے رہو کچھ حل بھی نکل آئے گا
بیج بھی ڈال دے امید ثمر بھی تج دے
جب تری نسل جواں ہوگی تو پھل آئے گا
مصلحت اوڑھ کے چپ چاپ تماشا بن جا
جو بھی آئے گا مخالف ترے حل آئے گا
ایک قانون مکافات عمل ہے ظالم
آج جو کرتا ہے تو سامنے کل آئے گا
عمر گزری ہے کبھی دید کی لذت مل جائے
جانے کب میری نگاہوں میں وہ پل آئے گا
دانشاؔ بزم میں ان کی تو غزل جھوم کے پڑھ
ان کی جانب سے بھی کچھ رد عمل آئے گا