वो शख़्स आज मुझ को एक आइना दिखा गया
तलब के भी उसूल हैं यही मुझे बता गया
ये क़ाएदे की बात थी तलब मिरी भी शाद हो
ज़रा सा था मुतालबा वो बे-नुक़त सुना गया
शबान-ए-हिज्र में मिरा जो हम-नफ़स बना रहा
विसाल-रुत जब आ गई वो मेरा आश्ना गया
अरब के रेगज़ार में छुपी हुई बहार थी
उठा जब एक शख़्स तो गुलाब सब खिला गया
नया नया सा अह्द है नई नई रिवायतें
किताब में वो पंखुड़ी का सिलसिला चला गया
मैं एक धुँदले अक्स को लपक रहा था ख़्वाब में
वो बचपने सा लग रहा था जो गया गया गया
वो दर्द-आश्ना मिरा वो हम-नफ़स वो हम-नशीं
ज़रा सी बात पर मुझे ही अजनबी बना गया
जनाब-ए-'दानिश-असरी’ आप सोचना ही छोड़ दें
कहीं रुका नहीं है वो ब-हद्द-ए-इंतिहा गया
vo shaḳhs aaj mujh ko ek aa.ina dikhā gayā
talab ke bhī usuul haiñ yahī mujhe batā gayā
ye qā.ede kī baat thī talab mirī bhī shaad ho
zarā sā thā mutālba vo be-nuqat sunā gayā
shabān-e-hijr meñ mirā jo ham-nafas banā rahā
visāl-rut jab aa ga.ī vo merā āshnā gayā
arab ke regzār meñ chhupī huī bahār thī
uThā jab ek shaḳhs to gulāb sab khilā gayā
nayā nayā sā ahd hai na.ī na.ī rivāyateñ
kitāb meñ vo pankhuḌī kā silsila chalā gayā
maiñ ek dhuñdle aks ko lapak rahā thā ḳhvāb meñ
vo bachpane sā lag rahā thā jo gayā gayā gayā
vo dard-āshnā mirā vo ham-nafas vo ham-nashīñ
zarā sī baat par mujhe hī ajnabī banā gayā
janāb-e-'dānish-asrī’ aap sochnā hī chhoḌ deñ
kahīñ rukā nahīñ hai vo ba-hadd-e-intihā gayā
وہ شخص آج مجھ کو ایک آئنہ دکھا گیا
طلب کے بھی اصول ہیں یہی مجھے بتا گیا
یہ قاعدے کی بات تھی طلب مری بھی شاد ہو
ذرا سا تھا مطالبہ وہ بے نقط سنا گیا
شبان ہجر میں مرا جو ہم نفس بنا رہا
وصال رت جب آ گئی وہ میرا آشنا گیا
عرب کے ریگزار میں چھپی ہوئی بہار تھی
اٹھا جب ایک شخص تو گلاب سب کھلا گیا
نیا نیا سا عہد ہے نئی نئی روایتیں
کتاب میں وہ پنکھڑی کا سلسلہ چلا گیا
میں ایک دھندلے عکس کو لپک رہا تھا خواب میں
وہ بچپنے سا لگ رہا تھا جو گیا گیا گیا
وہ درد آشنا مرا وہ ہم نفس وہ ہم نشیں
ذرا سی بات پر مجھے ہی اجنبی بنا گیا
جناب دانش عصریؔ آپ سوچنا ہی چھوڑ دیں
کہیں رکا نہیں ہے وہ بحد انتہا گیا