वो रुख़्सत की घड़ी वो दीदा-ए-नम याद आते हैं
न जाने आज क्यूँ भूले हुए ग़म याद आते हैं
ये चश्म-ए-दोस्त की साज़िश नहीं तो और फिर क्या है
कि मेरे मुंदमिल ज़ख़्मों के मरहम याद आते हैं
हुआ है जब से दिल सैद-ए-सितम-हा-ए-ग़म-ए-दौराँ
वो याद आते तो हैं लेकिन बहुत कम याद आते हैं
यहाँ हम ग़म ग़लत करने को आए थे मगर साक़ी
क़यामत है कि मयख़ाने में भी ग़म याद आते हैं
कोई जब छेड़ता है क़िस्सा-ए-दार-ओ-रसन 'क़ैसर'
तो दीवानों को उन की ज़ुल्फ़ के ख़म याद आता है
vo ruḳhsat kī ghaḌī vo dīda-e-nam yaad aate haiñ
na jaane aaj kyuuñ bhūle hue ġham yaad aate haiñ
ye chashm-e-dost kī sāzish nahīñ to aur phir kyā hai
ki mere mundamil zaḳhmoñ ke marham yaad aate haiñ
huā hai jab se dil said-e-sitam-hā-e-ġham-e-daurāñ
vo yaad aate to haiñ lekin bahut kam yaad aate haiñ
yahāñ ham ġham ġhalat karne ko aa.e the magar saaqī
qayāmat hai ki maiḳhāne meñ bhī ġham yaad aate haiñ
koī jab chheḌtā hai qissa-e-dār-o-rasan 'qaisar'
to dīvānoñ ko un kī zulf ke ḳham yaad aatā hai
وہ رخصت کی گھڑی وہ دیدۂ نم یاد آتے ہیں
نہ جانے آج کیوں بھولے ہوئے غم یاد آتے ہیں
یہ چشم دوست کی سازش نہیں تو اور پھر کیا ہے
کہ میرے مندمل زخموں کے مرہم یاد آتے ہیں
ہوا ہے جب سے دل صید ستم ہائے غم دوراں
وہ یاد آتے تو ہیں لیکن بہت کم یاد آتے ہیں
یہاں ہم غم غلط کرنے کو آئے تھے مگر ساقی
قیامت ہے کہ میخانے میں بھی غم یاد آتے ہیں
کوئی جب چھیڑتا ہے قصۂ دار و رسن قیصرؔ
تو دیوانوں کو ان کی زلف کے خم یاد آتا ہے